ޖަމުޢިއްޔާތައް އެދުނު ގޮތަށް ދަފްތަރު އަދާހަމަކުރުމުގެ މަސައްކަތް ޒުވާނުން ބަރުވެރިކުރުވުމާއި، މައުލޫމާތާއި ފަންނާ ބެހޭ ވުޒާރާއިން ފަށައިފިއެވެ.

އެ މަސައްކަތް އެ ވުޒާރާއިން ފަށައިފައިވަނީ އިއްޔެއިން ފެށިގެންނެވެ.

Ad by Hajj Corporation

އެގޮތުން ޖަމުޢިއްޔާތަކުގެ ރަޖިސްޓްރީއަށް ހުށަހަޅަންޖެހޭ ލިޔެކިއުންތައް ގަވާއިދުން ހުށަހަޅާފައި ނުވުމުގެ ސަބަބުން އިންއެކްޓިވް ވެފައިވާ ޖަމްއިއްޔާތައް އެކްޓިވް ކުރުމަށް، ހުށަހަޅަންޖެހޭ ލިޔެކިއުންތައް ހުށަހެޅުމަށްޓަކައި އިތުރު ފުރުސަތެއް ދިނުމަށް އެ ވުޒާރާއިން ވަނީ ނިންމާފައެވެ. އެ ފުރުސަތު ދިނުމަށް ފުރަތަމަ ހަމަޖެހިފައިވަނީ 1971 އިން 1991 އަށް ރަޖިސްޓްރީ ކުރެވި، އިންއެކްޓިވް ވެފައިވާ 55 މަދަނީ ޖަމްއިއްޔާ އަށެވެ.

އަދި އެކަމަށް ލިޔެކިޔުންތައް ހުށައެޅުމުގެ އެންމެ ފަހު ތާރިހަކީ މި އަހަރުގެ ޖުލައި މަހުގެ 20 ވަނަ ދުވަހުގެ މެންދުރު 14:00 ގެ ކުރިންނެވެ.

މި މުއްދަތުގެ ތެރޭގައި ޖަމްއިއްޔާ އެކްޓިވް ނުކުރާނަމަ، އެފަދަ ޖަމިއްޔާތައް ގާނޫނުގެ ދަށުން އުވާލެވޭނެއެވެ.