އޯލެވެލް ގަދަ 10 ގެ ދަރިވަރުންގެ އިނާމަށް ބަދަލެއް އަންނާނެ ކަމަށް ބުނެ ސޯޝަލް މީޑިއާގައި ދެކެވޭ ވާހަކަތައް އެޑިއުކޭޝަން މިނިސްޓްރީން ދޮގުކޮށްފި އެވެ.

އާ ސިޔާސަތެއް ގެނައުމުން ހަމައެކަނި އެންމެ މަތީ ދަރިވަރުން ބަލައިގަންނާނެ ކަމަށް ބުނެ ސޯޝަލް މީޑިއާގައި ރިޕޯޓްކޮށްފައިވާ އިރު، ދަރިވަރުންނާއި ޓީޗަރުން އަދި ބެލެނިވެރިންގެ މެދުގައި ވަނީ ކަންބޮޑުވުންތަކާއި ބަހުސްތައް އުފެދިފަ އެވެ. ގަދަ ދިހައެއްގައި ހިމެނުމަށް ބުރަ ކޮށް މަސައްކަތް ކުރި ދަރިވަރުންނަށް މިހާރު އިނާމު ނުލިބޭނެ ކަމަށް ދެކެވޭ ވާހަކަތަކުގެ ސަބަބުން އެ ކުދިން ކުރާ މަސައްކަތުގެ އަގު ވަޒަން ކުޑަވެ ދަރިވަރުންނަށް ޕްރެޝަރު ބޮޑުވެދާނެ ކަމުގެ ބިރު ވަނީ ބޮޑުވެފަ އެވެ.

ޑިއުކޭޝަން މިނިސްޓްރީން ވަނީ އިނާމު ދިނުމުގެ ސިޔާސަތަށް އެއްވެސް ބަދަލެއް ނާންނަކަން ކަށަވަރުކޮށްދީފަ އެވެ. މިނިސްޓްރީން ބުނީ، އެ މިނިސްޓްރީން ކަނޑައަޅާފައިވާ އުސޫލުގެ ދަށުން ގަދަ 10 އިން ޖާގަ ހޯދާ ހުރިހާ ދަރިވަރުންގެ ކިޔެވުމުގެ ކާމިޔާބީގެ އަގު ވަޒަންކުރުމުގެ މަސައްކަތް ކުރިއަށް ގެންދާނެ ކަމަށެވެ.

ޘާނަވީ ނިންމާ އިމްތިޙާންތަކުން އެންމެ ރަގަޅު 10 ނަތީޖާ ހޯދާ ދަރިވަރުންގެ ކާމިޔާބީ ފަހާގަ ކުރުމާއި ގުޅޭގޮތުން ބައެއް ފަރާތަކުން ރަގަޅު ނޫން މަޢުލޫމާތު ފަތުރަމުން ގެންދާކަން ވަނީ ފާހަގަކުރެވިފައެވެ. މިހެން ކަމުން ދަންނަވަމެވެ. ޘާނަވީ ނިންމާ އިމްތިޙާންތަކުން އެންމެ ރަގަޅު 10 ނަތީޖާ ހޯދާ ދަރިވަރުންގެ ކާމިޔާބީ މިމިނިސްޓްރީގެ އުޞޫލުތަކާއި އެއްގޮތަށް ފާހަގަކުރެވޭނެއެވެ.

މީގެ އިތުރުން ދަރިވަރުނާއި ޓީޗަރުން އަދި ބެލެނެވިރިން ކުރި ބުރަ މަސަތްކަތުގެ އަގު ވަޒަންކުރުމަށް އެއްބާރުލުން ދޭނެކަމަށް މިނިސްޓްރީއިން ވިދާޅުވިއެވެ.