ހުއްޓިފައިވާ ހުރިހާ މަޝްރޫޢެއް ސަރުކާރު ކުންފުނިތަކަށް

30 ޖެނުއަރީ 2025 - 12:36
ރާއްޖޭގެ އެކި ކަންކޮޅުތަކުގައި ހުއްޓިފައިވާ ހުރިހާ މަޝްރޫޢުއެއް އަންނަ ފެބުރުއަރީ މަހުން ފެށިގެން ބާރު ދުވެލީގައި ހިނގައިގަންނަން ފަށާނެކަމަށާއި އެ މަޝްރޫޢުތައް ދެން ހަވާލުކުރާނީ ސަރުކާރު ކުންފުނިތަކާ ކަމަށް ރައީސް ޑރ މުޙައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ހއ. އުލިގަމު ރައްޔިތުންނާ ބައްދަލުކުރައްވާ ދެއްކެވި ވާހަކަފުޅުގައެވެ.
މިދިޔަ ސަރުކާރުގައި އެއް ކުންފުންޏަކަށް އެކި މަޝްރޫޢުތައް އެއްފަހަރާ ހަވާލުކޮށްފައިހުރީ ކުރިއަށް ނުދާނެގޮތަށްކަން ފާހަގަކުރައްވާ ރައީސް ވިދާޅުވީ އޭގެތެރޭގައި ފެނާ ނަރުދަމާއާއި، ކުޅިވަރުގެ ވަސީލަތްތައް ޤާއިމްކުރުމާއި ތައުލީމީ އަދި ސިއްޙީ ދާއިރާގެ މަޝްރޫއުތައް ހިމެނޭކަމަށެވެ. ބައެއް އަތޮޅުތަކުގެ ހުރިހާ މަޝްރޫޢުއެއްވެސް އެއް ކުންފުންޏަކަށް ދީފައި އެބަހުރިކަމަށް އެމަނިކުފާނު ވިދާޅުވިއެވެ.
ރައީސް ޑރ މުޙައްމަދު މުޢިއްޒު އުލިގަމުގެ ރައްޔިތުންނާ ބައްދަލުކުރެއްވުން
ރައީސް ވަނީ ހުއްޓިފައިވާ މަޝްރޫއުތައް އަލުން ފަށަން އިދާރީ ގިނަ މަސައްކަތްތަކެއް ކުރިއަށްދާކަމަށާއި، މިހާރު ކުރިއަށްދަނީ ކުރީގެ އެއްބަސްވުންތައް ބާޠިލުކުރުންފަދަ ކަންކަންކަމަށް ވިދާޅުވެފައެވެ. އެހެންކަމުން ކުރިއަށް އޮތް ފެބުރުއަރީމަހު އެ މަޝްރޫޢުތައް ވަރަށް ބާރަށް ހިނގައިގަންނާނެކަމަށް ރައީސް ވިދާޅުވިއެވެ.
ރައީސް ވިދާޅުވީ، މިދައުރުގެ ދެއަހަރު ދުވަހުގެ ތެރޭގައި ހުރިހާ ރަށެއްގައި ފުރިހަމަ ކުޑަކުދިންގެ ޕާކެއް ތަރައްޤީކުރުމާއި، އިންޑޯ ޖިމާއެކު ފިޓްނަސް އެންޑް ރެކްރިއޭޝަން ސެންޓަރާއި މޫދަށް އެރޭ ސަރަހައްދު ތަރައްޤީކުރުން ކަނޑައަޅާފައިވާކަމަށެވެ. އެކަން ފުރިހަކޮށްދޭނެކަމަށް ރައީސް ވިދާޅިވިއެވެ.އުލިގަމަކީ ޒަމާނުއްސުރެ ގިނަ ޢަދަދެއްގެ ޔޮޓުތައް އަންނަ ރަށެއްކަމުން ފުރިހަމަ ޔޮޓް މެރީނާއެއް ޤާއިމްކުރުމަށް ކުރިއަށް އޮތް 6 މަސް ތެރޭގައި ފެށުމަށް އެމްޕީއެލުން ފަށައިގަންނަން ތައްޔާރުވެފައިވާކަން ރައީސް ފާހަގަކުރެއްވިއެވެ. މީގެ އިތުރުން ސްޕޯޓްސް ފިޝިން ބޮއި އެޅުމަށް އުލިގަމު ރައްޔިތުން އެދޭތީ، ދެމަހެއްހާ ދުވަސްތެރޭގައި އެ ސްޕޯޓްސް ބޮއި ޤާއިމްކޮށްދޭނެކަމަށްވެސް ވިދާޅުވިއެވެ.ހުއްޓިފައިވާ މަޝްރޫޢުތައް އަންނަ މަހު ފަށްޓަވާނެކަމަށް ރައީސް ވިދާޅުވެފައިވާއިރު، މީގެ ކުރިން އެމަނިކުފާނު ވަނީ އެ މަޝްރޫޢުތައް ދެން ހިންގާނީ ސަރުކާރުގެ ފުރިހަމަ ބާރު ހިނގާގޮތަށްކަމަށް ވިދާޅުވެފައެވެ.
އިތުރު ލިޔުންތައް

އުލިގަމުގައި ޔޮޓް މެރީނާއެއް އެޅުމަށް ހަ ފަރާތަކުން ޝައުޤުވެރިކަން ފާޅުކޮށްފި
6 މަސް ކުރިން
ރައީސް މުއިއްޒުގެ މަރުހަބާ ލަންކާގެ އިންތިހާބީ ރައީސްއަށް!
6 މަސް ކުރިން
އެމެރިކާގައި ދިރިއުޅޭ ދިވެހިންނާ ރައީސް ބައްދަލު ކުރައްވައިފި
6 މަސް ކުރިން