ފީނުމުގެ ދުނިޔޭގެ ރެކޯޑެއް ރާއްޖެއިން ޤާއިމްކުރަނީ

"ސިންގަލް އޯޕަން ވޯޓަރ ޑައިވް" ހަރަކާތް ވަޒީރު، އަޙްމަދު ޝިޔާމް ޝަރަފުވެރިކޮށްދެއްވުން -- ފޮޓޯ : މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް

01 ފެބްރުއަރީ 2025 - 09:49
ފީނުމުގެ ދުނިޔޭގެ ރެކޯޑެއް ރާއްޖެއިން ޤާއިމްކުރުމުގެ މަސައްކަތް ފަށައިފިއެވެ.
އޯޝަން ސިކްސް ފިފްޓީގެ ފަރާތުން އިންތިޒާމުކޮށްގެން ދެ ފިޔަވައްސަކަށް ބަހާލައިގެން ކުރިއަށްގެންދާ އެކްރޮސް މޯލްޑިވްސް ޑައިވް ހަރަކާތް ނުވަތަ "ސިންގަލް އޯޕަން ވޯޓަރ ޑައިވް" ހަރަކާތުގެ ފުރަތަމަ ފިޔަވަހި ވަނީ އިފްތިތާހުކޮށްފަ އެވެ.
މިހަރަކާތް ކުރިއަށް ގެންދަނީ ދެ ފިޔަވައްސަކަށް ބަހާލައިގެންނެވެ.، ފުރަތަމަ ފިޔަވަހި ކުރިއަށްދާނީ މާލޭ ސަރަހައްދުގައި އަންނަ ބުދަ ދުވަހުއެވެ. އެގޮތުން މާލެއިން ހުޅުމާލެއަށް 70 ކިލޯ މީޓަރަށް އެ ފިޔަވަހީގައި ޑައިވްކުރާނެއެވެ.
ދުނިޔޭގެ ރެކޯޑް ޤާއިމްކުރުމަށް ކުރާ އެންމެ ދިގު "ސިންގަލް އޯޕަން ވޯޓަރ ޑައިވް" ހަރަކާތް ޝަރަފްވެރިކޮށޤދެއްވީ މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު، އަޙްމަދު ޝިޔާމްއެވެ. ވަޒީރު ވިދާޅުވީ، އެ ހަރަކާތް ނިމޭއިރު ފަތުރުވެރިކަމުގެ ގޮތުން ރާއްޖެ ތައާރަފްނުވާ އެތައް ބަޔަކަށް ރާއްޖެ ތައާރަފްވެ މާކެޓްވެގެންދާނެ ކަމަށެވެ.
ވަޒީރު އިތުރަށް ވިދާޅުވީ، މިނިސްޓްރީން އިސް ނަގައިގެން ރާއްޖޭގެ މަސްވެރިކަން ކުރާ ހުރިހާ އުޅަނދުތަކެއްގައި މަދުވެގެން އެއް ރެސްކިއު ޑައިވަރަކު ތަމްރީނުކުރުމަށް ހިންގާ މަޝްރޫއުގެ ދަށުން މިހާތަނަށް 56 ޑައިވަރުން ތަމްރީނު ކޮށްފައިވާ ކަމަށެވެ. އަދި މި އަހަރު އިތުރު 80 ޑައިވަރުން ތަމްރީނުކުރެވި އަންނަ އަހަރުގެ ތެރޭގައި އެ މަޝްރޫއު އެއްކޮށް ނިންމާލެވޭނެ ކަމަށް ވިދާޅުވިއެވެ.
އެކްރޮސް މޯލްޑިވްސްގެ ދެ ފިޔަވައްސަކަށް ބަހާލައިގެން ކުރިއަށްދާއިރު ، ދެ ވަނަ ފިޔަވަހި އަންނަ އަހަރު ކުރިއަށްދާއިރު، މުޅި ރާއްޖެ ކަވަރުވާ ގޮތަށް ހއ. ތުރާކުރުން ފެށިގެން އައްޑޫ ސިޓީ އަށް ޖުމްލަ 4،600 ކިލޯ މީޓަރު ޑައިވްކުރާނެއެވެ. އޭރުން އެއީ ދުނިޔޭގެ އެންމެ ދިގު ޑައިވަށްވާނެއެވެ.
އިތުރު ލިޔުންތައް

ބިލިއަނެއްހާ ރުފިޔާގެ މަންފާއެއް ލޭނު މަސްވެރިކަމުން ރާއްޖެއަށް ލިބޭނެ: މިނިސްޓަރ ޝިޔާމް
7 މަސް ކުރިން
ދެމެހެއްޓެނިވި މަސްވެރިކަން ކުރާއިރު، އީޔޫ އިން ބޮޑު ޑިއުޓީ ނަގަނީ ކީއްވެ؟ - ވަޒީރު
7 މަސް ކުރިން
މަސްވެރިކަމާގުޅޭ ރަނގަޅު ޕްލޭނެއް އެކުލަވާލުމަށް ވޯލްޑް ބޭންކްގެ ޓީމެއް ރާއްޖެ އަންނަނީ
7 މަސް ކުރިން