ހިރިލަންދޫގައި ގާއިމުކުރާ ކޯލްޑް ސްޓޯރޭޖުގެ އެންމެ ފަހުގެ މައުލޫމާތު ހިއްސާކޮށްފި

މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް ހިރިލަންދޫ ކައުންސިލާ ބައްދަލުކުރެއްވުން

11 ފެބްރުއަރީ 2025 - 04:34
ކޮޅުމަޑުލު ހިރިލަންދޫގައި ހަދަން ނިންމާފައިވާ ކޯލްޑް ސްޓޯރޭޖުގެ އެންމެ ފަހުގެ މައުލޫމާތު އެ ރަށު ކައުންސިލާ ހިއްސާކޮށްފިއެވެ.
ކޯލްޑް ސްޓޯރޭޖުގެ އެންމެ ފަހުގެ މައުލޫމާތު ދެއްވީ މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހުމަދު ޝިޔާމް ހިރިލަންދޫ ކައުންސިލާ ބައްދަލުކުރެއްވުމުގެ ތެރެއިންނެވެ.
މަސްވެރި ވުޒާރާގައި އިއްޔެ ހެނދުނު ބޭއްވި މި ބައްދަލުކުރެއްވުމުގައި ހިރިލަންދޫގައި ހަދަން ނިންމާފައިވާ ކޯލްޑް ސްޓޯރޭޖުގެ އެންމެ ފަހުގެ މަޢުލޫމާތާއި އެސްޓީއޯ އިން ހަދާ ފިއުލް ސްޓޭޝަނާ ގުޅޭ މަޢުލޫމާތު ވަނީ ކައުންސިލާ ހިއްސާކޮށްފައެވެ.
މީގެ އިތުރުން މަސްއޮޑިފަހަރުގައި ލޮނުފެނުން މަސް ފިނިކުރާ ނިޒާމު (އާރްއެސްޑަބްލިޔު) ނިޒާމު ހަރުކުރުމަށް ލޯނަށް ޝަތުރުހަމަވި ހިރިލަންދޫގެ ދެ ފަރާތަކަށް ލޯނު ދޫކޮށް ބާކީ ތިބި ދެ ފަރާތަށްވެސް ލޯނު ދޫކުރުމުގެ ކަންކަން ކުރިއަށްދާ ކަމަށް ވަޒީރު ވަނީ ވިދާޅުވެފައެވެ.
މަސްވެރިކަމުގެ ސިނާއަތް ހަރުދަނާކުރުމަށް ސަރުކާރުން ކުރަމުންދާ މަަސައްކަތްތަކުގެ ތެރެއިން ސަރުކާރުގެ މަަސް ކުންފުނި، މިފްކޯއަށް ކިރުވާ މަހަށް 48 ގަޑިއިރު ތެރޭގައި ފައިސާ ދެވެން ފެށުމާއެކު ޒުވާނުން މަޑުމަޑުން އަނެއްްކާވެސް ދޯނިތަކަށް އަރަން ފަށައިފިކަމަށް ވަޒީރު ވަނީ މިފަހުންވެސް ވިދާޅުވެފައެވެ.
ވަޒީރު ވިދާޅުވީ މަސްވެރިކަމުން ލިބޭ އާމްދަނީ މަސްވެރި އާއިލާތަކުގެ ތެރޭގައި ދައުރުވަމުން އަންނަ ކަމަށާއި އެކަމުގެ ސަބަބުން މަސްވެރި ސިނާއަތު އިތުރަށް ވަރުގަދަވަމުން އަންނަ ކަމަށެވެ.
މަސްވެރިން ކިރުވާ މަހަށް 48 ގަޑިއިރު ތެރޭގައި ފައިސާ ދޫކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ. އެކަން ތަންފީޒުކުރަން ފަށާފައިވަނީ މިދިޔަ އަހަރުގެ މަސްވެރިންގެ ދުވަހުން ފެށިގެންނެވެ.
މީގެ އިތުރުން ކޯލްޑް ސްޓޯރޭޖުތައް ގާއިމުކުރުމާއި ރާއްޖޭގެ އެކި ސަރަހައްދުތަކުގައި ފަސޭހައިން ތެޔޮ ލިބޭނެ އިންތިޒާމު ހަމަޖެއްސުމަށްވެސް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ.
އިތުރު ލިޔުންތައް

ބިލިއަނެއްހާ ރުފިޔާގެ މަންފާއެއް ލޭނު މަސްވެރިކަމުން ރާއްޖެއަށް ލިބޭނެ: މިނިސްޓަރ ޝިޔާމް
7 މަސް ކުރިން
ދެމެހެއްޓެނިވި މަސްވެރިކަން ކުރާއިރު، އީޔޫ އިން ބޮޑު ޑިއުޓީ ނަގަނީ ކީއްވެ؟ - ވަޒީރު
7 މަސް ކުރިން
މަސްވެރިކަމާގުޅޭ ރަނގަޅު ޕްލޭނެއް އެކުލަވާލުމަށް ވޯލްޑް ބޭންކްގެ ޓީމެއް ރާއްޖެ އަންނަނީ
6 މަސް ކުރިން