އެމްކިޔުއޭގެ ޙުއްދައާއި ނުލައި އެ އިދާރާ އިން އެކްރެޑިޓްކޮއްފައިވާ ޕްރޮގްރާމްތަށް ބޭރު ޤައުމުތަކުގައި ހިންގައި ދަރިވަރުންނަށް ޙަވާލުކުރާ ސަނަދު ޤަބޫލުނުކުރާނެ ކަމަށް މޯލްޑިވިސް ކޮލިފިކޭޝަންސް އޮތޯރިޓީ (އެމްކިޔުއޭ) އިން ބުނެފި އެވެ.

އެމްކިޔުއޭ އިން ބުނީ އެ އިދާރާއިން އެކްރެޑިޓޭޝަން ދީފައިވާ ބައެއް ޕްރޮގްރާމްތަށް ރާއްޖެ އިން ބޭރުގައި ހިންގާ މައްސަލަ ފެންމަތިވެފައިވާ ކަމަށެވެ.

Ad by Hajj Corporation

އެމްކިޔުއޭ އިން އެކްރެޑިޓްކޮއްފައިވާ ޕްރޮގްރާމްތަކަކީ ހަމައެކަނި ދިވެހިރާއްޖޭގައި ހިންގުމަށް ހުއްދަ ދީފައިވާ ޕްރޮގްރާމްތަކެއް ކަމަށް އެމްކިޔުއޭއިން ބުނެ އެވެ. އަދި އެމްކިޔުއޭގެ ޙުއްދައާއި ނުލައި އެ އިދާރާ އިން އެކްރެޑިޓްކޮއްފައިވާ ޕްރޮގްރާމްތަށް ބޭރު ޤައުމުތަކުގައި ހިންގާ، ދަރިވަރުންނަށް ޙަވާލުކުރާ ސަނަދު ޤަބޫލުނުކުރާނެ ކަމަށްވެސް އެ އޮތޯރިޓީން ބުނެ އެވެ.

އެމްކިޔުއޭގެ ހުއްދައާއި ޚިލާފަށް ސަނަދު ދިނުމުގެ ސަބަބުން ރާއްޖެއާއި ރާއްޖެއިން ބޭރުގެ ދަރިވަރުންނަށް ގިނަ ގެއްލުންތަކާއި ކުރިމަތިލާންޖެހިފައިވާކަމަށް އެއޮތޯރިޓީން ބުނެ އެވެ. ރާއްޖޭގެ މަތީ ތަޢުލީމުދޭ މަރުކަޒުތަކުން ޕްރޮގްރާމް އެކްރެޑިޓޭޝަން ދީފައިވާ ގޮތާއި އެއްގޮތަށް ކޯސް ހިންގުމަށް އެމްކިޔުއޭއިން އިލްތިމާސްކުރެއެވެ.