އައްޑޫސިޓީ ހިތަދު އާއި ހުޅުމީދޫ ގުޅާލާ ބްރިޖްގެ މަސައްކަތްކުރަން ފަންނީ ލަފާދޭނެ ބަޔަކު ހޯދަން ފިނޭންސް މިނިސްޓްރީން އިއުލާންކޮށްފި އެވެ.

ފިނޭންސް މިނިސްތްރީން ކޮށްފައިވާ އިއުލާންގައި ބުނެފައި ވަނީ ހިތަދު އާއި ހުޅުމީދޫ ގުޅާލާ ބްރިޖާގެ މަސައްކަތަށް ހަދަންޖެހޭ ސަވޭ ހެދުމަށާއި ބްރިޖު މަޝްރޫއުގެ ސާވޭ، ޑިޒައިން އަދި ޓެންޑާ ޑޮކިއުމެންޓް، ޓެކްނިކަލް ސްޕެސިފިކޭޝަން ހިމެނޭހެން އެމަސައްކަތަށް ލަފާދޭނެ ބަޔަކު ބޭނުންވާ ކަމަށެވެ. މި މަސައްކަތް ކޮށްދިނުމަށް ޝައުގުވެރިވާ ފަރާތްތަކުން މިމަހުގެ 24 ވަނ ދުވަހުގެ 1:00 ގެ ކުރީން އެކްސްޕްރެޝަން އޮފް އިންޓްރެސްޓް(އީއޯއައި) ހުށަހެޅުމަށް އެދޭކަމަށް ފިނޭންސް މިނިސްޓްރީން ބުނެ އެވެ

އީއޯއައި ހުށަހަޅާއިރު މި ދާއިރާ އިން ކޮށްފައިވާ މަސައްކަތްތަކުގެ ތަފްސީލާއި އަގު އަދި އެ ކުންފުންޏެއްގެ މުވައްޒަފުންގެ ހުނަރާއި ގާބިލުކަން ފަދަ މައުލޫމާތު ހުށަހަޅާން ޖެހެ އެވެ.

ޝޯޓް ލިސްޓް ކުރެވޭ ފަރާތްތަކަށް ޕްރޮޕޯސަލް ހުށަހެޅުމުގެ ދައުވަތު ދެވޭނެ ކަމަށް ފިނޭންސް މިނިސްޓްރީން ވަނީ ބުނެފަ އެވެ.

ހިތަދު އާއި ހުޅުދުއާ ދެމެދު އަޅާ ބްރިޖުގެފީސިބިލިޓީ ސާވޭ ނިންމިފައިވާ ކަމަށް ރައީސް ޑރ މުހައްމަދު މުއިއްޒު މީގެ ކުރީން ވަނީ ވިދާޅުވެފަ އެވެ.