ދުވާލެއްގެ މައްޗަށް 1،000 ޓަނުގެ ފެން އުފެއްދޭ އައު އާރްއޯ ޕްލާންޓެއް އެމްޑަބްލިޔުއެސްސީ އިން މާލޭގައި ބަހައްޓައިފި އެވެ.

މި އާރްއޯ ޕްލާންޓް ބަހައްޓާފައިވަނީ އެމްޑަބްލިޔުއެސްސީގެ މާލޭ އޮޕަރޭޝަން ސެންޓަރުގައެވެ.

އެމްޑަބްލިޔުއެސްސީ އިން ބުނީ މި އާރްއޯ ޕްލާންޓް އިންސްޓޯލްކޮށް މިހާރު ކޮމިޝަންކޮށްފައިވާ ކަމަށާއި، މި އާރްއޯ ޕްލާންޓާއެކު މިހާރު މާލޭގައި ދުވާލެއްގެ މައްޗަށް 28،000 ޓަނުގެ ފެން އުފެއްދޭނެ ކަމަށެވެ.

އެމްޑަބްލިޔުއެސްސީ އިން އާ އާރްއޯ ޕްލާންޓެއް ބަހައްޓާފައިވާއިރު މާލެ ސަރަހައްދުގައި ފެން ރައްކާކުރުމުގެ ކެޕޭސިޓީ އާއި ފެން އުފެއްދުމުގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުންނެވެ.

އެ ގޮތުން އެމްޑަބްލިޔުއެސްސީ އިން ދަނީ ސިނަމާލެ ބްރިޖު މެދުވެރިކޮށް މާލެ-ހުޅުމާލެ ފެނުގެ ވިއުގައަކުން ގުޅާލުމުގެ މަސައްކަތް ވެސް ކުރަމުންނެވެ.