މިނިވަން ދުވަހާ ގުޅިގެން ސަރުކާރު ބަންދު ނަމަވެސް މާލެ ސަރައްދުގައި ހިމެނޭ އިމިގްރޭޝަން އޮފީސް ތަކުން ޕާސްޕޯޓުގެ ހިދުމަތް ލިބެން ހުންނާނެ ކަމަށް މޯލްޑިވްސް އިމިގްރޭޝަނުން ބުނެފިއެވެ.

ބަންދު ދުވަސްތަކުގައި އިމިގްރޭޝަނުގެ ހިދުމަތް ދޭ ވަގުތުތަކަށް ގެނެސްފައިވާ ބަދަލުތަށް އިއުލާނު ކޮށް އިމިގްރޭޝަނުން ބުނީ، މި މަހުގެ 26 ވަނަ ދުވަހު އިމުގާ ޕޯޓަލް މެދުވެރިކޮށް ހުރިހާ ގަޑިއެއްގައި ވެސް ޕާސްޕޯޓަށް އެޕްލައި ކުރެވޭނެކަމަށެވެ. 65 އަހަރުންމަތީ ފަރާތް ތަކުގެ އިތުރުން އެމެޖެންސީ ހާލަތްތަކުގައި އިމިގްރޭޝަނަށް ހާޒިރުވެ ޕާސްޕޯޓަށް އެދި ހުށަހެޅުމާއި ޕާސްޕޯޓާއި ހަވާލުވުން ހެނދުނު 9:00 އާއި 12:00 ނިޔަލަށް ހިދުމަތްދެމުން ގެނދާނެ ކަމަށް އިމިގްރޭޝަނުން ވަނީ ބުނެފައެވެ.

މީގެ އިތުރުން މިމަހުގެ 27 އަދި 28 ވަނަ ދުވަހުގައި އިމުގާ ޕޯޓަލް މެދުވެރިކޮށް ހުރިހާ ގަޑިއެއްގައި ވެސް ޕާސްޕޯޓަށް އެޕްލައި ކުރެވޭނެ ކަމަށާއި، 65 އަހަރުންމަތީ ފަރާތް ތަކުގެ އިތުރުން އެމެޖެންސީ ހާލަތްތަކުގައި އިމިގްރޭޝަނަށް ހާޒިރުވެ ޕާސްޕޯޓަށް އެދި ހުށަހެޅުމާއި ޕާސްޕޯޓާއި ހަވާލުވުން ހެނދުނު 8:30 އާއި 14:00 ނިޔަލަށް ހިދުމަތްދެމުން ގެނދާނެ ކަމަށް އިމިގްރޭޝަނުން ވަނީ ބުނެފައެވެ.