މާޅޮހު ފަޅުތެރޭގައި އޮތް ދޯންޏެއްގައި އެއްޗެއް ގޮވައި ދެމީހަކު ޒަޚަމްވެއްޖެ
މުހައްމަދު މޫސާ26 ޖުލައި 2025 - 17:38
އއ. މާޅޮހު ފަޅުތެރޭގައި އޮތް ދޯންޏެއްގައި އެއްޗެއް ގޮވުމުގެ ސަބަބުން ދެ މީހަކަށް އަނިޔާވެއްޖެއެވެ.
ފުލުހުން މައުލޫމާތުން ދިންގޮތުގައި މި ހާދިސާގައި އަނިޔާވެފައި ވަނީ ދެ ބިދޭސީއަކަށެވެ. އެ ދެ މީހުން ވަނީ ފިހިފައި ކަމަށް ފުލުހުން ބުންޏެވެ.
މި ހާދިސާ ހިނގާފައިވަނީ މިރޭ 20:45 ހާއިރުއެވެ.
ފުލުހުން ބުގޮތުގައި، މި ހާދިސާގައި ފިހުނު ދެ ބިދޭސީއަށް މާޅޮހު ހެލްތު ސެންޓަރުން ފަރުވާދިނުމަށްފަހު، އިތުރު ފަރުވާއަށް މި ދެމީހުން މާލެއަށް ފޮނުވުމުގެ މަސައްކަތް މިހާރު އަންނަނީ ކުރަމުންނެވެ.
މި ހާދިސާ ހިނގަން މެދުވެރިވި ސަބަބު އަދި ނޭނގޭއިރު، ފުލުހުން މި މައްސަލަ ދަނީ ތަޙްޤީޤު ކުރަމުންނެވެ.
