އެކްސިޑެންޓް ވުމަށްފަހު މަޑުނުކޮށް ދިޔަ ކާރެއްގައި ތިބި ދެމީހަކު ހޯދަން ފުލުހުން އިއުލާންކޮށްފިއެވެ.

މި ދެމީހުންނަކީ ހުޅުމާލެ ޓްރެފިކް ޕޮލިސް އިންވެސްޓިގޭޝަނުން ތަހުގީގު ކުރަމުންދާ، ހުޅުމާލެ ފޭސް ދޭއްގެ ވިނަރެސް އެކެއް ކައިރި ރައުންޑް އެބައުޓް ތެރެއިން ކާރަކާއި ޕިކަޕެއް ޖެހި އެކްސިޑެންޓް ވުމަށްފަހު މަޑުނުކޮށް ގޮސްފައިވާ ދެމީހުންނެވެ.

Ad by Hajj Corporation

މި ކާރުން ދެމީހުން ފައިބާތަން ފެންނަ ސީސީޓީވީ ފުޓޭޖު މިހާރު ވަނީ އާންމުކޮށްފައެވެ. 

މިދެމީހުންނަކީ ކާކުކަން އަދި މިހާތަނަށް ދެނެގަނެވިފައިނުވާތީ ހޯދިފައިނުވާ ދެ މީހުންކަމަށް ފުލުހުން ބުނެއެވެ. 

އެހެންކަމުން ވީޑިއޯއިން ފެންނަ މީހުންނާ ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ އެމަޢުލޫމާތެއް ހުޅުމާލެ ޓްރެފިކް ޕޮލިސް އިންވެސްޓިގޭޝަންގެ ނަންބަރު 9772111 އަށް ގުޅައި ހިއްސާކުރުމަށް ފުލުހުން ވަނީ އެދިފައެވެ.