އަބްދުއްރަހްމާން އާދަމް ނިޔާވެފައިވަނީ އޭނާގެ ބޮލަށް ލިބުނު އަނިޔާގެ ސަބަބުން ކަމަށް އޮޓޮޕްސީ ރިޕޯޓުން ދައްކައިފިއެވެ.

އޭނާ ނިޔާވެފައިވަނީ އޭނާ ދިރިއުޅޭ ގޭގައި ނިދާފައި އޮއްވާ މީހަކު އޭނާގެ ބޮލަށް ދިން އަނިޔާތަކެއްގެ ސަބަބުންނެވެ.

އަބްދުއްރަހްމާން އާދަމް ނިޔާވެފައިވަނީ އޭނާއަށް ލިބުނު އަނިޔާތަކަށް ރަށު ސިއްޙީ މަރުކަޒުގައި ފަރުވާ ދެމުންދަނިކޮށެވެ. މި ރަހުމްކުޑަ މަރާ ގުޅިގެން އޮޓޮޕްސީ ހެދުމަށް ފުލުހުން އޭނާގެ ހަށިގަނޑު އިންޑިއާއަށް ފޮނުވިއެވެ. ތަހުލީލަށް ފަހު އޭނާގެ ހަށިގަނޑު ވަޅުލާފައިވަނީ، ޖުލައި 24 ގައެވެ.

ފުލުހުން ބުނި ގޮތުގައި، މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކުރެވިފައެއް ނުވެއެވެ. މިމައްސަލައިގެ ތަހުގީގު ކުރިއަށްދާ ކަމަށް ފުލުހުން މައުލޫމާތު ދެއެވެ.

މި މަރާ ގުޅިގެން ފުލުހުން ވަނީ މައްސަލައިގެ ތަހުގީގު ފުޅާ ދާއިރާއެއްގައި ކުރިއަށް ގެންދާނެ ކަމަށް ބުނެފައެވެ. އަދި މި މައްސަލައިގައި އެއްވެސް މަޢުލޫމާތެއް އެނގޭ ފަރާތްތަކުން އެ މަޢުލޫމާތު ފުލުހުންނާ ހިއްސާކުރުމަށް އެދިފައިވެއެވެ.