މިފްކޯއިން މާލޭގައި ހުޅުވި ހަތަރުވަނަ މަސް ފިހާރަ މިއަދު ނޯތު ހާބަރުގައި ހުޅުވައިފިއެވެ. މި ފިހާރަ ހުޅުވައިދެއްވީ މިފްކޯގެ ސޭލްސް މެނޭޖަރ ޢަބްދުﷲ ރަޝީދެވެ.

މިފްކޯއިން މަޢުލޫމާތުދީފައިވާގޮތުގައި މި ފިހާރަ ހުޅުވުމުގެ މައިގަނޑު މަގްސަދަކީ އަތޮޅުތެރޭގެ ވިޔަފާރިވެރިންނަށް ވީހާވެސް ފަސޭހަކަމާއެކު ހިދުމަތް ފޯރުކޮށްދިނުމެވެ.

މިފްކޯއިން ބުނީ މި ފިހާރަ އަމާޒުކޮށްފައި ވަނީ ވިޔަފާރިވެރިން މައިގަނޑުގޮތެއްގައި ނަގާ ޕްރޮޑަކްޓްސްތަކެއް ކަމަށްވާ ތެޔޮ މަސްދަޅާއި ފެން މަސްދަޅާއި އާންމުކޮށް ނަގާ މަސްދަޅުގެ ބާވަތްތައް އަދި ވަޅޯމަހަށް ކަމަށެވެ. އަދި އިތުރު އުފެއްދުންތައް ބޭނުންވާނަމަ، އެކަން އެންގުމުން އެ އިންތިޒާމްތައް ހަމަޖައްސައިދޭނެ ކަމަށްވެސް މިފްކޯއިން ބުންޏެވެ.

ނޯތު ހާބަރުގައި ހުޅުވި މި އައު ފިހާރަ ހުޅުވިފައި ހުންނާނީ ހުކުރު ދުވަސް ފިޔަވައި، ސަރުކާރު ބަންދުނޫން ކޮންމެ ދުވަހެއްގެ ހެނދުނު 8:30 އިން ހަވީރު 6:00 އަށެވެ.

މިފްކޯއިން މާލޭގައި މިހާރު ހުޅުވާފައިވާ ހަތަރު ފިހާރައިން ވެސް ރައްޔިތުންނަށް ފޯރުކޮށްދެނީ އެ ކުންފުނީގެ އުފެއްދުންތައް ކަމާއި، މި ފިހާރަތަކުން ރައްޔިތުންނަށް އަތްފޯރާފަށުގައި އެ ކުންފުނީގެ އުފެއްދުންތައް ލިބެން ހުންނާނެއެވެ.