މަހުގެ ބާވަތްތައް އިނގިރޭސިވިލާތަށް އެކްސްޕޯޓްކުރުމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް، މިފްކޯއާއި، އާއި އިނގިރޭސިވިލާތުގެ ޕްރިންސަސް ގްރޫޕާއާއި ދެމެދު މަސްގަތުމާބެހޭ މެމޮރަންޑަމް އޮފް އަންޑަރސްޓޭންޑިންގްއެއްގައި ސޮއިކޮށްފިއެވެ.

މެމޮރަންޑަމްގައި މިފްކޯގެ ފަރާތުން ސޮއި ކުރެއްވީ މިފްކޯގެ ޗީފް އެގްޒެކެޓިވް އޮފިސަރ ބްރިގޭޑިއަރ ޖެނެރަލް (ރިޓަޔަރޑް) ފަރުހަތު ޝަހީރުއެވެ. ޕްރިންސަސް ގްރޫޕުގެ ފަރާތުން ސޮއި ކުރެއްވީ ގްރޫޕްގެ ޗީފް ޕާރޗޭސިންގ އޮފިސަރ ނީލް ބޮހަނަންއެވެ.

މިފްކޯއިން ބުނީ އެއްބަސްވުމުގެ ދަށުން، މިފްކޯއާއި ޕްރިންސަސް ގްރޫޕާދެމެދު ދިގުމުއްދަތުގެ ވިޔަފާރީގެ މުޢާމަލާތް ޤާއިމުކުރުމަށް ދެފަރާތުން އެއްބަސްވެފައިވާކަމަށާއި މިމުއާމަލާތުގައި އެއްބަސްވެވޭ މިންގަނޑެއްގެ ތެރެއިން ފްރޯޒަން ޓިޔުނާގެ އިތުރުން ފެލިވަރުގައި ބަންދުކުރެވޭ ދަޅުމަހުގެ ބާވަތްތައް ގަތުންވެސް ހިމެނޭކަމަށެވެ.

މިއެއްބަސްވުމުގައި ހިމެނިގެން މަސްގަތުމުގެ މިންގަނޑުތައް އިތުރަށް ހަރުދަނާ ކުރުމަށާއި ވިޔަފާރީގެ ގުޅުން އިތުރަށް ފުޅާ ކުރުމަށް މަސައްކަތް ކުރާނެއެވެ.