މާފަރުގައި ހުރި ރުއްރުކުން ވަގަށް ކުރުނބާ އަޅާ، އެތަކެތި ރަށުތެރެއަށް ވިއްކާތީ އެރަށު ކައުންސިލުން ކަންބޮޑުވުން ފާޅުކޮށްފިއެވެ.

މިކަމާ ގުޅޭގޮތުން ކައުންސިލުން އާއްމުކޮށްފައިވާ އެންގުމެއްގައި ބުނެފައިވަނީ، ހުއްދަ ހޯދުމެއް ނެތި ރުއްރުކުން ކުރުނބާ އަޅާ ފަރާތްތަކާ މެދު ފިޔަވަޅު އަޅާނެ ކަމަށާއި އަދި އެތަކެތި ގަތުމަކީވެސް މަނާކަމެއް ކަމަށެވެ.

Ad by Hajj Corporation

މީގެ އިތުރުން މާފަރުގެ ވަލު ސަރަހައްދުގައި ހެދިފައި އެއްވެސް މިދިލި ގަހަކުން ދޮންމަދު ބިނުމަކީވެސް މަނާ ކަމެއް ކަމަށް އެ ކައުންސިލުން މީގެ ކުރިން އިއުލާންކޮށްފައިވެއެވެ.

މިދިލި ގަސްތަކުގައި އަޅާ މަދު ހޮވައިގެން ވިއްކުމަކީ ގިނަ ބަޔަކު އާމްދަނީ ހޯދުމުގެ ގޮތުން ކުރަމުން އަންނަ ކަމެއް ކަމަށްވާތީ، މަދު ހޮވުމަށް ޚާއްޞަކޮށްފައިވާ ވަގުތުތައް ފިޔަވާ އެހެން ވަގުތު ތަކުގައި ވަލަށް ވަދެ މަދު ބިނުމަކީ މަނާކަމެއްކަމަށް ކައުންސިލުން ވަނީ އަންގާފައެވެ.

މާފަރު ނޫނަސް މިހާރަކަށް އައިސް ބައެއް ރަށްރަށުގައި މިފަދަ އިއުލާންތައް ކުރާތީ ފެނެއެވެ.