މޯލްޑިވްސް ޕޯޓްސް ލިމިޓެޑް (އެމްޕީއެލްއިން) މިދިޔަ މަހުގެ ތެރޭގައި 6،320 ކޮޓެއިނާގެ މުދާ ހުސްކޮށްފިއެވެ.

އެމްޕީއެލްގެ ތަފާސް ހިސާބު ތަކުން ދައްކާ ގޮތުގައި، މިދިޔަ މަހުގެ ތެރޭގައި ހުސް ކުރެވުނު މުދަލުގެ ތެރޭގައި 20 ފޫޓުގެ 2،380 ކޮންޓެއިނަރާއި، 40 ފޫޓުގެ 1،970 ކޮންޓެއިނަރުގެ ހިމެނޭއެވެ. އަދި އެ މުއްދަތުގައި އެމްޕީއެލްގެ ބަނދަރުގެ ހިދުމަތް ހޯދި އުޅަނދު ފަހަރުގެ ތެރޭގައި 20 ކޮންވެންޝަލް އުޅަނދާއި 16 ކޮންޓެއިނަރު ބޯޓު ހިމެނޭ ކަމަށް ވެސް އެމްޕީއެލް ގެ ތަފާސް ހިސާބު ތަކުން ދައްކައެވެ.

Ad by Hajj Corporation

އަވަހަށް ހަލާކުވާ މުދާ ނުވަތަ ޕެރިޝަބަލް މުދަލުގެ ތެރޭގައި އެންމެ ގިނައިން މިދިޔަ މަހު ހުސް ކުރެވިފައިވަނީ ބިސް ކަމަށާއި، އެގޮތުން 66،000 ޕެކޭޖުގެ ބިސް ހުސްކޮށްފައިވާ ކަމަށް އެމްޕީއެލްއިން ވަނީ ބުނެފައެވެ.

އޭގެ އިތުރުން 49،000 ޕެކޭޖުގެ ފިޔާ، 30،000 ޕެކޭޖުގެ ކަރާ، 22،000 ޕެކޭޖުގެ އަލުވި، 17،000 ޕެކޭޖު ޓޮމާޓޯ، 12،000 ޕެކޭޖުގެ ަލަނާސި، 11،000 ޕެކޭޖުގެ ކެބެޖް، 10،000 ޕެކޭޖުގެ ދޮންކެޔޮ، 4،000 ޕެކޭޖުގެ ބަރަބޯ އަދި 3،000 ޕެކޭޖުގެ ފޮނި ކެކުރި ޖެނެރަލް ކާގޯގެ ގޮތުގައި ހުސްކުރެވިފައިވާ ކަމަށް ވެސް އެމްޕީއެލްއިން ތަފާސް ހިސާބުތަކުން ދައްކައެވެ.

އެމްޕީއެލްގެ ތަފާސް ހިސާބުތަކުން ދައްކުވައިދެނީ، ރާއްޖޭގެ އެކި ކަންކޮޅުތަކުން އަސާސީ ބޭނުންތަކުގެ ތަކެތި ފޯރުކޮށް ދިނުމުގައި އެ ކުންފުނީގެ ބަނދަރުން އަދާ ކުރާ އިސް ދައުރާއި، ހިދުމަތުގެ ފެންވަރެވެ.