ސްޓެލްކޯގެ ސަބްސްޓޭޝަނެއްތެރެއަށް ވަދެ ކޭބަލްތަކެއް ބުރިކޮށްފައިވާ މައްސަލައެއް ފުލުހުން ބަލަން ފަށައިފިއެވެ.

ފުލުހުން ބުނީ ރޭ 21:46 އެހާކަންހާއިރު ފަރީދީ މަގު، ގަޑިބުރު ކައިރީގައި ހުރި ސްޓެލްކޯ ސަބްސްޓޭޝަން ތެރެއަށް ބަޔަކު ވަދެ ކޭބަލް ބުރި ކުރި މައްސަލަ ފުލުހުން ތަހުގީގު ކުރަމުން އަންނަ ކަމަށެވެ.

Ad by Hajj Corporation

މި މައްސަލައާއި ގުޅިގެން ބަޔަކު ހައްޔަރުކޮށްފައި ނުވާއިރު، މައްސަލައާއި ގުޅޭ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ.

މީގެ ކުރިން ވެސް ސްޓެލްކޯގެ ސަބްސްޓޭޝަންތަކުން ކޭބަލް ވަގަށް ނަގާ މައްސަލަ ވެސް ވަނީ ބޮޑުވެފައެވެ.