logo
ޚަބަރު

ހިޔާ އެޕާޓްމަންޓަކުން ގިނަ އަދަދެއްގެ ވޭޕް ފްލޭވަރތަކެއް އަތުލައިގެންފި

މުހައްމަދު މޫސާމުހައްމަދު މޫސާ
8 އޯގަސްޓު 2025 - 08:54
ފުލުހުން އަތުލައިގަތް ވޭޕް ފްލޭވަރތައް، ފޮޓޯ: ޕޮލިސް
ފުލުހުން އަތުލައިގަތް ވޭޕް ފްލޭވަރތައް، ފޮޓޯ: ޕޮލިސް

ހުޅުމާލޭ ފޭސް 2 ގެ ހިޔާ އެޕާޓްމަންޓަކުން 242 ވޭޕް ފްލޭވަރ ފުޅި ފުލުހުން ވަނީ އަތުލައިގަނެފައެވެ. މި ތަކެތި އަތުލައިގަތީ ގެވެށި އަނިޔާގެ މައްސަލައެއްގެ ތަހުގީގުގެ ތެރެއިންނެވެ.

ފުލުހުން މައުލޫމާތު ދިން ގޮތުގައި، އިއްޔެ ރޭ 21:14 ގައި ގެވެށި އަނިޔާގެ މައްސަލައެއް ރިޕޯޓުކުރުމާ ގުޅިގެން، އެ މައްސަލަ ބެލުމަށް ހިޔާ އެޕާޓްމަންޓަށް ވަދެ ބަލައި ފާސްކުރި އިރު މި ތަކެތި ފެނުނީއެވެ. "މި މައްސަލާގައި ޖުމްލަ 242 ވޭޕް ފްލޭވާ ފުޅި ފުލުހުންގެ ބެލުމުގެ ދަށަށް ގެނެސްފައިވޭ،" ފުލުހުން ބުންޏެވެ.

Ad by Hajj Corporation

Ad by Hajj Corporation

މިއީ ރާއްޖޭގައި ވޭޕް މަނާކުރުމަށްފަހު ފެނުނު އެންމެ ބޮޑެތި މައްސަލަތަކުގެ ތެރެއިން އެއް މައްސަލައެވެ. 15 ނޮވެމްބަރ 2024 އިން ފެށިގެން ރާއްޖެއަށް ވޭޕް އެތެރެކުރުން ވަނީ މަނާކޮށްފައެވެ. އަދި 15 ޑިސެމްބަރ 2024 އިން ފެށިގެން ރާއްޖޭގައި ވޭޕް ވިއްކުމާއި ބޭނުންކުރުން ވެސް ވަނީ މަނާކޮށްފައެވެ.

ދުންފަތް ކޮންޓްރޯލްކުރުމާބެހޭ ގާނޫނަށް ގެނެވުނު އިސްލާހުގެ ދަށުން، ވޭޕް ކުރަން ބޭނުންކުރާ އާލާތްތަކާއި އެކަމަށް ތައްޔާރުކޮށްފައިވާ އުފެއްދުންތައް ރާއްޖެ އެތެރެކޮށްފިނަމަ 50,000 ރުފިޔާއިން ޖޫރިމަނާކުރެވޭނެއެވެ. އަދި އެތެރެކުރާ ކޮންމެ އިލެކްޓްރޯނިކް ސިނގިރޭޓް ނުވަތަ ވޭޕް އާލާތަކަށް 10,000 ރުފިޔާގެ މަގުން ޖޫރިމަނާ ކުރެވޭނެއެވެ.

ފުލުހުން ބުނީ މި މައްސަލައިގެ ތަހުގީގު ކުރިއަށްދާ ކަމަށެވެ. ވޭޕް ވިއްކުމުގެ މައްސަލަތަކުގައި ޖޫރިމަނާގެ ގޮތުގައި 20,000 ރުފިޔާ ނެގޭއިރު، ވިއްކި ކޮންމެ އެއްޗަކަށް 10,000 ރުފިޔާގެ އިތުރު ޖޫރިމަނާއެއް ކުރެވޭނެއެވެ. އަދި ކުޑަކުދިންނަށް ވިއްކާނަމา އެ ޖޫރިމަނާ 50,000 ރުފިޔާއަށް އިތުރުވާނެއެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ރާއްޖޭގެ ސިޓީތަކުގައި ކުށްކުރާ ކުދިންގެ މިންވަރު އަންނަނީ އިތުރުވަމުން: ފުލުހުންޚަބަރު | 9 ގަޑިއިރު ކުރިންގިނަ އަދަދެއްގެ މަސްތުވާތަކެއްޗާ އެކު މީހަކު ހައްޔަރުކޮށްފިޚަބަރު | ދުވަހެއް ކުރިންޑްރަގް ވިޔަފާރީގެ ބޮޑެއްކަމަށް ބެލެވޭ މީހަކު ލައްކައެއްހާ ރުފިޔާ އާއި ކިލޯއެއްހާ ޑްރަގާއެކު ހައްޔަރުކޮށްފިޚަބަރު | ދުވަހެއް ކުރިންއަބްދުއްރަޙްމާންގެ މަރު: އާޝިދުގެ ބަންދަށް 30 ދުވަސްޚަބަރު | ދުވަހެއް ކުރިން