logo
ޚަބަރު

އުތީމުގައި ގައުމީ ދުވަސް ފާހަގަކުރަން ތައްޔާރުވަނީ

ޝަހްޒާ މުހައްމަދު
8 އޯގަސްޓު 2025 - 10:39
އުތީމުގައި ގައުމީ ދުވަސް ފާހަގަކުރަން ތައްޔާރުވަނީ

ހއ. އުތީމުގައި މިއަހަރުގެ ޤައުމީ ދުވަސް ކުލަގަދަކޮށް ފާހަގަކުރުމަށް ސަރުކާރުން ނިންމުމާ ގުޅިގެން، އެކަމުގެ ތައްޔާރީތައް ފަށައިފިއެވެ.

އެރަށުގައި ގައުމީދުވަސް ފާހަގަކުރާނެކަން ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާނު ކުރެއްވީ މިއަހަރުގެ ޖެނުއަރީ 28 ވަނަ ދުވަހު އުތީމަށް ކުރެއްވި ދަތުރުފުޅެއްގައެވެ.

Ad by Hajj Corporation

Ad by Hajj Corporation

އުތީމު ކައުންސިލުން މީޑިއާއަށް މައުލޫމާތުދީފައިވާގޮތުގައި އެމަސައްކަތްތައް ކުރިއަށް ގެންދިއުމަށް ޚާއްސަ ޓާސްކް ފޯހެއް ވަނީ އެކުލަވާލާފައެވެ. އެ ޓާސްކް ފޯހުގައި ކައުންސިލާއި، ރަށުގެ މުއައްސަސާތަކާއި އަދި ކްލަބް ޖަމްޢިއްޔާތައް ހިމެނެއެވެ. 

އެކައުންސިލުން ބުނީ، އެކަމަށް ބޭނުންވާ ބަޖެޓު ސަރުކާރުން ހަމަޖެއްސެވުމާ ގުޅިގެން، އެކަމުގެ މަޢުލޫމާތުތައް ރައްޔިތުންނާ ޙިއްސާކުރިކަމަށެވެ. އަދި، ހުރިހާ މަސައްކަތްތައްވެސް ކުރިއަށް ގެންދަނީ ރަށުގެ ހުރިހާ ރައްޔިތުން ގުޅިގެންކަމަށް ކައުންސިލުން ބުންޏެވެ.

ޤައުމީ ދުވަހާ ގުޅިގެން ރަށުގައި ކުރިއަށްދާ މުހިންމު މަސައްކަތްތަކުގެ ތެރޭގައި ބަނދަރުގައި ދަތުރުވެރިންނަށް ޚާއްސަ ދަތުރު ހިޔާއެއް ހެދުމާއި، ކުޑަކުދިންގެ ޕާކު ތަރައްޤީކުރުމާއި، ސްކޫލްގައި ބެލެނިވެރިންގެ ހިޔާއެއް ހެދުން ހިމެނެއެވެ. މީގެ އިތުރުން ރައްޔިތުންގެ ބައިވެރިވުމާއެކު ރަށުތެރެ ސާފުކުރުމުގެ މަސައްކަތްތައްވެސް ދަނީ ކުރިއަށެވެ.

ދިވެހި ބަހާއި ސަޤާފަތާއި ތަރިކައާ ބެހޭ ވުޒާރާއިން ވެސް ކައުންސިލާ ގުޅިގެން ތަފާތު ގިނަ މަސައްކަތްތަކެއް ކުރަމުން އަންނަ ކަމަށް ވެސް ކައުންސިލުން ބުނެފައިވެއެވެ.

ދިވެހި ރާއްޖޭގެ ގައުމީ ދުވަހަކީ ރަބީއުލް އައްވަލު މަހުގެ 1 ވަަނަދުވަހެވެ. އެއީ ބޮޑު ތަކުރުފާނު، ނުވަތަ އުތީމު މުހައްމަދު ތަކުރުފަނު ޕޯޗްގީޒުންގެ އަތްދަށުން ދިވެހި ރާއްޖެ ސަލާމަތް ކުރެއްވި ދުވަހުގެ ގޮތުގައި ފާހަގަ ކުރާ ދުވަހެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ގައުމީ ދުވަުގެ ހާއްސަ ޕެރޭޑް ބަލާލަން ގިނަބަޔަކު މާލޭގެ މަގުތަކަށް ޚަބަރު | 7 ދުވަސް ކުރިންއާދަމް ޢަބްދުއްރަޙްމާނަށް ދިޔަމިގިލީގެ ޝަރަފުގެ އިއްޒަތް އަރުވައިފިޚަބަރު | 7 ދުވަސް ކުރިންދިވެހި ގައުމިއްޔަތަށް ހިދުމަތް ކުރުމުގެ ހާއްސަ ޝަރަފު، އުތީމު ރައްޔިތުންނަށް ރައީސުލްޖުމްހޫރިއްޔާ އަރުވައިފިޚަބަރު | 7 ދުވަސް ކުރިންޤައުމިއްޔަތަށް ޚިދުމަތް ކުރުމުގެ ޚާއްޞަ ޝަރަފު އުތީމު ރައްޔިތުންނަށް އަރުވަނީޚަބަރު | 8 ދުވަސް ކުރިން