logo
ޚަބަރު

ގައުމީ ދުވަުގެ ހާއްސަ ޕެރޭޑް ބަލާލަން ގިނަބަޔަކު މާލޭގެ މަގުތަކަށް

ޝަހްޒާ މުހައްމަދު
24 އޯގަސްޓު 2025 - 12:52
ގައުމީ ދުވަުގެ ހާއްސަ ޕެރޭޑް ބަލާލަން ގިނަބަޔަކު މާލޭގެ މަގުތަކަށް

ގައުމީ ދުވަހާއި ގުޅިގެން މާލޭގެ މަގުތަކުގައި ހާއްސަ ޕެރޭޑެއްވަނީ ބާއްވާފައެވެ.

މިއަހަރުގެ ގައުމީ ދުވަސް ފަހަގަކުރުމަށް ރާއްޖޭގެ އެކި ކަންކޮޅުތަކުގައި ގިނަ ހަރަކާތްތަކެއް ކުރިއަށް ގެންދާއިރު، މާލޭގައި އެންމެ ގިނަ ބައެއްގެ ތަރުހީބު މިއަދު ދުވެސް ލިބުނީ އެމްއެންޑީއެފް ގެ ޝަރަފުގެ ހިނގާލުމާއި ސުކޫލް ކުދިންގެ ޕެރޭޑް ނުވަތަ ދިވެހިންގެ އާއްމު ބަހުން ނަމަ ބޭންޖުމަށެއެވެ.

Ad by Hajj Corporation

Ad by Hajj Corporation

މިގޮތުން ބޭންޖަހާ ކޮންމެ ދުވަހަކު ވެސް ކުދި ބޮޑު އެތަކެއް ބަޔަކު މި ހަރަކާތް ބަލާލުމަށް މަގުތަކަށް ނިކުމެ އުފާވެރި އެއްބައިވަންތަ ވަގުތަކެއް ހޭދަކުރެއެވެ.

ޤައުމީ ދުވަހާއި ގުޅިގެން ޤައުމީ ދިފާޢީ ބާރުން ބާއްވާ ޝަރަފުގެ ހިނގާލުން މިއަދު ހަވީރު ފާށާފައިވަނީ 4:30 ގައި ބަންޑާރަކޮށިންނެވެ.
އޭގެ ފަހުން، މާލޭގެ ބޮޑެތި މަގުތަކުގައި ޕެރޭޑް ކުރިއަށްދިޔައެވެ. އަދި މާލޭގެ 4 ސަރަހައްދެއްގައި ލަޝްކަރު ހުއްޓާ، ޒަމާނީ ރީތި ރާގުތަކާއި ގައުމީ ލަވަތަކުގެ ރާގުތައް ކުޅެ ޕެރޭޑްގެ އެކި ހަރަކާތްދައްކާލާފައިވެއެވެ.

ޕެރޭޑް ނިންމީ ކަޅުތުއްކަލާކޮށްޓާއި ހަމައިންނެވެ. ޕެރޭޑް ދިޔަ ކޮންމެ ދިމާ އަކުން ވެސް ފެނިގެން ދިޔައީ ކުދިބޮޑު އެތައްބަޔަކު އެއްވެ ޕެރޭޑް ބެލުމަށްޓަކާ އެތުރިގެން ތިބި މަންޒަރެވެ.

މާލޭގައި މިއަދު ޕެރޭޑް ބާއްވާފައިވާ އިރު، މިއަހަރުގެގައުމީ ދުވަސް ފާހަގަކުރުމަށްވެސް ކުލަގަދަ ހަރަކާތްތަކެއް ކުރިއަށްގެންދިއުމަށް ސަރުކާރުން ވަނީ ނިންމަވާފައެވެ. އެގޮތުން ގައުމީ ދުވަހުގެ ރަސްމީ ޖަލްސާ،ގައުމީ ދުވަހުގެ ބަޠަލު މުހއްމަދު ތަކުރުފާނުގެ އުފަން ރަށް ހއ. އުތީމުގައި ވަނީ ބާއްވާފައެވެ. މި ޖަލްސާގައި ޝަރަފުވެރިކަމުގެ ގައުމީ އިނާމާއި ހިތްވަރު ދިނުމުގެ އިނާމު ދީފައިވެއެވެ.

ކޮންމެ އަހަރެއްގެވެސް ރަބީޢުލްޢައްވަލްމަހުގެ 1 ވަނަ ދުވަސް ފާހަގަކުރަނީ ދިވެހިރާއްޖޭގެ ޤައުމީ ދުވަހުގެ ގޮތުގައެވެ. ގައުމީ ދުވަސް ފާހަގަކުރަނީ 15 އަހަރާއި 6 މަސް ދުވަހަށްފަހު، ޕޯޗުގީޒުންގެ އަޅުވެތިކަމުން ދިވެހިރާއްޖެ ހޯދި ނަޞްރާ، އައްސުލްޠާނުލް ޣާޒީ މުޙަންމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ނުވަތަ އުތީމު ބަންޑާރައިންނާއި އެ ޖިހާދުގައި ބައިވެރިވެވަޑައިގެންނެވި ދިވެހި ބަޠަލުންގެ ހަނދާނާ ޒިކުރާ އާކުރުމަށެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ގައުމީ ދުވަުގެ ހާއްސަ ޕެރޭޑް ބަލާލަން ގިނަބަޔަކު މާލޭގެ މަގުތަކަށް ޚަބަރު | 6 ދުވަސް ކުރިންއާދަމް ޢަބްދުއްރަޙްމާނަށް ދިޔަމިގިލީގެ ޝަރަފުގެ އިއްޒަތް އަރުވައިފިޚަބަރު | 6 ދުވަސް ކުރިންދިވެހި ގައުމިއްޔަތަށް ހިދުމަތް ކުރުމުގެ ހާއްސަ ޝަރަފު، އުތީމު ރައްޔިތުންނަށް ރައީސުލްޖުމްހޫރިއްޔާ އަރުވައިފިޚަބަރު | 6 ދުވަސް ކުރިންއުތީމުގައި ގައުމީ ދުވަސް ފާހަގަކުރަން ތައްޔާރުވަނީ ޚަބަރު | 22 ދުވަސް ކުރިން