މިދިޔަ ޖޫން މަހުގެ 1 ވަނަ ދުވަހު މުޅި މާލެ ސަރަހައްދަށް ދިމާވި ކަރަންޓު ކެނޑުމުގެމައްސަލައާ ގުޅޭގޮތުން ފުލުހުން ހިންގަމުންދާ ތަހުގީގުގައި އިބްތިދާއީ މަރުހަލާގެ މަޢުލޫމާތުތައް އެއްކުރުމުގެ މަސައްކަތް ފުރިހަމަވެފައިވާކަމަށް ފުލުހުން ބުނެފިއެވެ.

މާލެ އާއި ހުޅުމާލެއިން ކަރަންޓު ކެނޑުނީ ޖޫންމަހުގެ ފުރަތަމަ ދުވަހު މެންދުރު 12:30 ހާއިރު އެވެ. މައްސަލަ ހައްލުކޮށް ހުރިހާ ސަރަހައްދަކަށް ކަރަންޓު އަލުން ދެވުނުއިރު ފަސްގަޑިއިރުވަނީ ވެފައެވެ. މިއީ މިފަހުގެ ތާރީހުގައި ވެސް މުޅި މާލެ ސަރަހައްދުން އެންމެ ގިނަ ވަގުތަށް ކަރަންޓު ކެނޑުނު ފުރަތަމަ ފަހަރެވެ.

Ad by Hajj Corporation

މިކަމާ ގުޅިގެން ފުލުހުން ބުނީ 2025 ޖޫން 1 ވަނަ ދުވަހު ގްރޭޓަރ މާލެ ސަރަހައްދުން ކަރަންޓް ކެނޑުނު މައްސަލައާ ގުޅިގެން ފުލުހުން ކުރަމުންދާ ތަހުގީގުގެ އިބްތިދާއީ ހޯދުންތަކާއި މައުލޫމާތު ވަނީ އެއްކުރެވިފައިކަމަށާއި އަދި މި މަޢުލޫމާތައްބަލައި ފުލުހުން މި މައްސަލަދަނީ އިތުރަށް ތަޙްޤީގު ކުރަމުންކަމަށެވެ.

ތަޙްޤީގު އެއްކޮށް ނިމުމުން ތަޙްގީގުގައި ފާހަގަކުރެވުނު ކަންކަން ހިއްޞާކޮށްދޭނެކަމަށް ފުލުހުންވަނީ ބުނެފައެވެ.