ލަންކާގެ ގާނޫނު ހަދާ މަޖިލިސް އުވާލައިފި

24 ސެޕްޓެމްބަރު 2024 - 17:38

ސްރީލަންކާގެ ގާނޫނު ހަދާ މަޖިލިސް މާއުވާލަން ނިންމައި، އެކަން ރަސްމީކޮށް އިއުލާނުކޮށްފިއެވެ.

ލަންކާގެ ރައީސް އޮފީހުން ބުނި ގޮތުގައި މިރޭ މެންދަމު 12 އިން ފެށިގެން މަޖިލިސް އުވޭ ގޮތަށް ކަނޑައަޅުއްވައި އެކަމުގެ ލިޔުމުގައި ރައީސް އަނޫރަ ކުމާރަ ޑިސެނަޔަކަ މިހާރު ވަނީ ސޮއިކުރައްވައިފަ އެވެ.

ސްރީލަންކާގެ އައު ރައީސް އަނޫރަ ވަނީ އިންތިޚާބުގެ ކެމްޕޭނުގައި އިންތިޚާބުން ކާމިޔާބު ލިބިވަޑައިގެންފި ނަމަ މަޖިލިސް އުވާލައި އަވަސް އިންތިހާބެއް ބާއްވަން ވައުދުވެ ވަޑައިގެންފަ އެވެ.

ލަންކާގެ ގާނޫނުހަދާ މަޖިލީހުގެ އިންތިހާބު ބާއްވަން ނިންމާފައިވަނީ ނޮވެމްބަރު 14 ގަ އެވެ.

ގާނޫނު މަޖިލީހަށް ކުރިމަތިލާން އަންނަ މަހުގެ ފުރަތަމަ ހަފްތާގައި އިއުލާންކުރާން ވަނީ ނިންމާފައެވެ.