ސްރީލަންކާގައި ބާއްވާ އިންތިޚާބާއި ގުޅިގެން ލަންކާގައި ދިރިއުޅޭ ދިވެހިން ސަމާލުވުމަށް ސްރީލަންކާގައި ހުންނަ ދިވެހި އެމްބަސީ އިން އަންގައިފިއެވެ،

މި އިންތިޙާބު ބޭއްވުމަށް ހަމަޖައްސާފައިވަނީ އަންނަ ހޮނިހިރު ދުވަހުއެވެ. މި އިންތިހާބާއި ގުޅިގެން ސްރީލަންކާގައި ވަނީ ސަލާމަތީ ފިޔަވަޅުވެސް އިތުރުކޮށްފައެވެ. ބޭރުގައި އުޅޭ އިރު އަދި އެހެނިހެން ތަންތަނަށްދާއިރު އަތުގައި އޮންނަ ކާކުކަން އަންގައިދޭ ރަސްމީލިޔުން ގެންދަން ދިވެހި އެމްބަސީ އިން ވަނީ އިލްތިމާސްކޮށްފައެވެ. މީގެ އިތުރަށް މީހުން އެއްވާ ތަންތަނަށް ދާއިރު ސަމާލުކަން ދިނުމަށާއި ވޯޓުފޮށިތަކާއި ވޯޓުލާ މަރުކަޒުތައް ކައިރިއަށް ނުދިއުމަށް ވެސް ދިވެހި އެމްބަސީއިން ވަނީ ލަންކާގައި ދިރިއުޅޭ ދިވެހިރައްޔިތުންނަށް އަންގާފައެވެ.

Ad by Hajj Corporation

ލަންކާގައި ހުންނަ ދިވެހިރާއްޖޭގެ އެމްބަސީ އިން ވަނީ ލަންކާގެ ފުލުހުންގެ އިރުޝާދުތަކަށް ކިޔަމަންވުމަށާއި ޒަރޫރީ ތަކެތި ކުރީބައިގަ ހޯދުމަށްވެސް އިލްތިމާސްކުރައްވާފައެވެ އަދި ވިސާއާއި ގުޅުންހުރި ކަންތައް ކުރިއަށް އޮތް ހަފްތާ ބަންދުގެ ކުރިން ހަމަޖެއްސުމަށް ވެސް ދިވެހި އެމްބަސީ އިން ވަނީ އަންގާފައެވެ.

2022 ވަނަ އަހަރު ގޮތަބަޔަ ރާޖަޕަކްސަވަނީ އިސްތިއުފާދީފައެވެ. ލަންކާގައި ކުރިއަށްދިޔަ ވަރުގަދަ މުޒާހަރާ ތަކަށް ފަހު އެގައުމުގެ ރައްޔިތުން ވަނީ ގޮތަބަޔަ ރާޖަޕަކްސާ މަގާމުން ދުރުކޮށްފައެވެ. ގޮތަބަޔަ ރާޖަޕަކްސަ އަކީ ސްރީލަންކާގެ 8 ވަނަ ރައީސްއެވެ. އޭގެ ކުރިން އޭނާ ވަނީ ސްރީލަންކާގެ އަސްކަރިއްޔާގައި އިސް އޮފިޝަލެއްގެ މަގާމު އަދާކޮށްފައެވެ.

ސްރީލަންކާގައި ބާއްވާ މި އިންތިޚާބުގައި 38 ކޭނޑިޑޭޓުން ބައިވެރިވެއެވެ.