ސްރިލަންކާގެ ގާނޫނީ ވަކީލަކާއި އޭނާގެ އަނބިމީހާގެ ގަޔަށް ބަޑިޖަހައި މަރާލި މައްސަލައެއްގައި ތުހުމަތުކުރެވޭ މީހަކު، ރާއްޖޭން ލަންކާއަށް ފޮނުވާލައިފި އެވެ.

ލަންކާގެ މީޑިއާތަކުން ރިޕޯޓުކޮށްފައިވާ ގޮތުގައި، އެ ވަކީލާއި އޭނާގެ އަނބިމީހާ މަރާލައިފައިވަނީ ފެބްރުއަރީ މަހުގެ 13 ވަނަ ދުވަހު، ތަލަންގަމާ ޕޮލިސް ޑިވިޝަންގެ ބާރުގެ ދަށުގައިވާ އަކުރެގޮޑާ ސަރަހައްދުގަ އެވެ.

Ad by Hajj Corporation

ޑެއިލީ މިރާގައިވާ ގޮތުން، ރާއްޖޭން ފޮނުވާލި މީހާއަކީ، އެ ދެ މީހުންގެ ގަޔަށް ބަޑި ޖެހި މީހުން ތިބި އުޅަނދު ދުއްވަން އިން މީހާއެވެ.

އެ މީހާ ހޯދަން އިންޓަޕޯލް ރެޑް ނޯޓިސް ނެރެފައިވަނިކޮށް، ރާއްޖޭން އޭނާ ލަންކާއަށް ފޮނުވާލީ އިއްޔެ ކަމަށް އެ ނޫހުގައިވެ އެވެ. ނަމަވެސް އެކަމާ ގުޅޭ އިތުރު ތަފުސީލެއް ރިޕޯޓުކޮށްފައިނުވެ އެވެ.

ލަންކާގެ ނޫސްތަކުގައިވާ ގޮތުން، އެ މީހާ ލަންކާއަށް ގެންދިއުމަށްފަހު އެ މައްސަލައިގެ އިތުރު ތަހުގީގުތައް ކުރިއަށް ގެންދިއުމަށްޓަކައި މިހާރު ވަނީ ވެސްޓަން ޕްރޮވިންސް ސައުތު ކްރައިމް ޑިވިޝަނާ ހަވާލުކޮށްފަ އެވެ.