އިސްރާއީލްގެ ވަޒަންވެރިންގެ ސަލާމަތަށް ހުރަސްއެޅޭކަމަށްބުނެ ހުޅަނގު އައްސޭރިން 3,000 ޒައިތޫނި ގަސް ކަނޑާލައިފިއެވެ.

އިސްތިއުމާރުކޮށްފައިވާ ފަލަސްtIނުގެ ހުޅަނގު އައްސޭރީގެ ރާމަالله ކައިރީގައި އޮންނަ އަލް-މުޣައްޔިރު އަވަށުގެ 0.27 އަކަކިލޯމީޓަރުގެ ސަރަޙައްދެއްގައިވާ ޒައިތޫނި ގަސްތައް ކަނޑާލުމަށް ބަހަނާއަކަށް ދައްކާފައިވަނީ މި ގަސްތަކުގެ ސަބަބުން އެ ބިމުގައި ވަޒަންވެރިކޮށްފައިވާ ޔަހޫދީ ވަޒަންވެރިން ދަތުރުކުރާ މަގެއްގެ ސަލާމަތަށް "ނުރައްކާ" ކުރިމަތިވެފައިވާކަމަށް ބުނެއެވެ.

Ad by Hajj Corporation

ފަލަސްޠީނުގެ ޒައިތޫނި ގަސްތަކަކީ އެ ޤައުމުގެ ސަޤާފަތް ރަމްޒުކޮށްދޭ ޚާއްޞަ ނިޝާނެކެވެ. ފަލަސްޠީނުގެ އަމިއްލަވަންތަކަމަށް ގޮންޖަހައި ޒައިތޫނި ގަސްތައް ކެނޑުމަކީ ޒަމާނުއްސުރެ ޔަހޫދީން ކުރަމުންދާ ކަމެކެވެ. ބޭނުމަކީ ފަލަސްތީނު ރައްޔިތުން އެމީހުންގެ ބިން ދޫކޮށްލުމަށް މަޖުބޫރުކުރުވުމެވެ.

އަލް-މުޣައްޔިރު އަވަށުގެ ޒައިތޫނި ގަސްތައް ކަނޑާލާފައިވާއިރު މުޅި އަވަށް ހިސާރުކޮށް ގަދަ ބާރުން ގެތަކަށް ވަދެ ރައްޔިތުންނާއި މުދަލަށް ޔަހޫދީން އަންނަނީ ގެއްލުން ދެމުންނެވެ.

ހިފާފައިވާ ބިންތަކުގައި ވަޒަންވެރިކޮށްފައިވާ ޔަހޫދީ ވަޒަންވެރިންގެ އަނިޔާވެރިކަންވެސް އިތުރުވަމުން އަންނައިރު މި އަހަރުގެ ޖެނުއަރީ މަހުން ފެށިގެން ޖުލައި މަހުގެ ނިޔަލަށް 2،370 އަށްވުރެ ގިނަ ހަމަލާ ފަލަސްތީނުގެ ރައްޔިތުންނާ ދެކޮޅަށް ޔަހޫދީ ވަޒަންވެރިން ދީފައިވެއެވެ. އެންމެ ގިނަ ހަމަލާތައް ރިކޯޑުކުރެވިފައިވަނީ ރާމަﷲ ސަރަހައްދުންނެވެ. އެއީ 585 ހަމަލާއެވެ. ދެވަނައަށް އެންމެ ގިނައިން ރިކޯޑުކުރެވިފައިވަނީ ނާބުލުސް ސަރަހައްދުންނެވެ. އެއީ 479 ހަމަލާއެވެ.

މި މުއްދަތުގެ ތެރޭގައި ހުޅަނގު އައްސޭރީގައި 129 ކުޑަކުދިން ވެސް ހިމެނޭ ގޮތަށް، އިސްރާއީލް ސިފައިންނާއި ޔަހޫދީ ވަޒަންވެރިންގެ ހަމަލާތަކުގައި 671 ފަލަސްތީނު ރައްޔިތުން ވަނީ ޝަހީދުކޮށްލާފައެވެ.