ސަހުޔޫނީ އިސްރާއީލުގެޣައިރު ޤާނޫނީ ދައުލަތުން 430 ބާވަތެއްގެ ކާނާ ޣައްޒާއަށް ވެއްދުން މަނާކޮށްފި އެވެ.

ބަނޑަށްޖެހިފައިވާ ޣައްޒާގެ ރައްޔިތުންނަށް ބޭނުންވާ އަސާސީ ކާބޯތަކެތީގެ ބާވަތްތައް މީގެ ތެރޭގައި ހިމެނޭއިރު މިކަމުގެ ސަބަބުން ޣައްޒާގެ ހާލަތު ވަރަށް ނާޒުކުކަމަށް މައުލޫމާތުލިބެއެވެ.

Ad by Hajj Corporation

އިސްރާއީލުން ޣައްޒާއަށް ވައްދަން މަނާކޮށްފައިވާ ކާނާގެ ތެރޭގައި ބިސް، ރަތްކުލަ ގަދަ މަސް، ކުކުޅު، ކަނޑު މަސް، ޗީޒް، ކިރުގެ ބާވަތްތައް، މޭވާ، ތަރުކާރީގެ އިތުރުންވެސް ގިނަ ބާވަތްތަކެއް ހިމެނެއެވެ. މިއީ ޣައްޒާގެ 2.4 މިލިއަން މީހުންގެ އަސާސީ ބޭނުންތަކަށް ވަރަށް މުހިއްމު ކާބޯތަކެތިކަން ފާހަގަކުރަންޖެހެއެވެ.

ޣައްޒާގެ ރައްޔިތުންގެ އަސާސީ ބޭނުންތައް ފުއްދުމަށްޓަކައި ދުވާލަކު 600 ޓްރަކަށްވުރެ ގިނަ އެހީގެ ތަކެތި ބޭނުންވެއެވެ.

ޣައްޒާގެ ސިއްހީ ވުޒާރާއިން ބުނީ 2023ވަނަ އަހަރުގެ އޮކްޓޯބަރު މަހުގެ 7ވަނަ ދުވަހު ޔަހޫދީން ޣައްޒާއަށް އުދުވާނީ ހަމަލާތައް ދޭން ފެށިފަހުން ބަނޑުހައިހޫނުކަމުގެ ސަބަބުން ޣައްޒާގައި މިހާތަނަށް 280އަށްވުރެ ގިނަ މީހުން ޝަހީދުވެފައިވާއިރު 110އަކަށްވުރެ ގިނަ ކުޑަކުދިން މީގެ ތެރޭގައި ހިމެނެއެވެ.

މިހާރުވެސް 41،000 ކުޑަކުދިންނަކީ މަރުގެ ތުންފަތް މަތީގައި ތިބި ކުދިންތަކެއް ކަމަށް އެ ޖަމްއިއްޔާއިން ބުނެފައިވެއެވެ.

ތަފާސް ހިސާބުތަކުން ދައްކާ ގޮތުގައި ޣައްޒާ އަށް އެންމެ ފަހުން ކާބޯތަކެތި ވައްދާފައިވަނީ އިއްޔެއެވެ. އެއީ އެންމެ 49 ލޮރީގެ ތަކެއްޗެވެ.