ރައީސުލްޖުމްހޫރިއްޔާ ރަށްރަށަށް ކުރައްވަމުން ގެންދަވާ ދަތުރުފުޅުތަކާ ގުޅިގެން، އެ މަނިކުފާނަށް މަރުހަބާ ދެންނެވުމަށް އެ ރަށެއްގައި ތިއްބަވާ ފަނޑިޔާރުންނަށް ނިކުންނެވޭނެ ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ބުދަ ދުވަހު ކަނޑައަޅައިފި އެވެ.

މިކަމަށް ހުއްދަ ދިން ނަމަވެސް، ފަނޑިޔާރުންނާއި ކޯޓު މުވައްޒަފުން ސުލޫކީ ހަމަތައް ހިފަހައްޓަން ޖެހޭނެ ކަމަށް ވެސް ޖޭއެސްސީއިން ވަނީ ނިންމާފައެވެ.

Ad by Hajj Corporation

އެނގިފައިވާ ގޮތުގައި ޖޭއެސްސީއިން ބުދަ ދުވަހު ބޭއްވި ބައްދަލުވުމެއްގައި، މިކަމާ ގުޅޭގޮތުން ވަރަށް ތަފްސީލީ މަޝްވަރާތައް ކޮށްފައިވެ އެވެ. މަޝްވަރާތަކަށް ފަހު ނިންމާފައިވަނީ، ފަނޑިޔާރުންނާއި ކޯޓުތަކުގައި މަސައްކަތްކުރައްވާ މުވައްޒަފުން އެގޮތަށް ރައީސަށް މަރުހަބާ ދެންނެވުމަށް ނުކުތުމާއި ބައްދަލުކުރެއްވުމަކީ ރަނގަޅު ކަމެއް ކަމަށެވެ.

މިއީ ދައުލަތުގެ އެންމެ އިސްވެރިޔާއަށް ދެވޭ އިހުތިރާމެއްގެ ގޮތުގައި ވެސް ބެލެވޭ ކަމެކެވެ.

ޖޭއެސްސީން މިގޮތަށް ނިންމެވިއިރު، ރައީސުލްޖުމްހޫރިއްޔާ ޑރ. މުޢިއްޒު ގެންދަވަނީ ސިލްސިލާ ގިނަ ދަތުރުތަކެއް ރައްޔިތުންގެ ހާލު ބެއްލެވުމަށް ކުރަށްވަމުންނެވެ.