ޖުޑީޝަލް ސާވިސް ކޮމިޝަން( ޖޭއެސްސީ)ގެ ނައިބު ރައީސްއަކަށް އެ ކޮމިޝަންގެ މެމްބަރު ޔަޒްމީދު މުހައްމަދު އިންތިޚާބުކޮށްފިއެވެ.

ޖޭއެސްސީގެ ނައިބު ރައީސަކަށް ޔަޒްމީދު އިންތިޚާބުކުރީ އެ މަގާމުގައި ކުރިން ހުންނެވި ހައިކޯޓުގެ ފަނޑިޔާރު، މުހައްމަދު ނިޔާޒު އިސްތިއުފާ ދެއްވުމުންނެވެ.

ޔަޒްމީދަކީ ޖޭއެސްސީގައި ތިއްބަވާ މެމްބަރުންގެ ތެރެއިން ރައީސުލްޖުމްހޫރިއްޔާގެ ފަރާތްޕުޅުން ކޮމިޝަނަށް އައްޔަން ކުރައްވާފައިވާ ހަމައެކަނި މެމްބަރެވެ.

ޔަޒްމީދު ޖޭއެސްސީއަށް އައްޔަން ކުރެއްވީ މި އަހަރުގެ ފެބްރުއަރީމަހުގެ 23 ވަނަ ދުވަހުއެވެ.

Ad by Hajj Corporation

ޖޭއެސްސީގައި 10 މެމްބަރުން ތިއްބަވާއިރު ކޮމިޝަނުގެ ރައީސަކީ މާފުށި ދާއިރާގެ މެމްބަރު އަލްއުސްތާޛު ޙުސައިން ރިޟާ އާދަމްއެވެ.

ރިޟާގެ އިތުރުން ދެން ކޮމިޝަނުގައި ހިމެނިވަޑައިގަންނަވަނީ ކޮމިޝަނުގެ ނާއިބުރައީސް އަދި ރައީސުލްޖުމްހޫރިއްޔާ ކަނޑައަޅުއްވާ މެންބަރު ޔަޒްމީދު މުޙައްމަދާއި، ކޮމިޝަނުގެ މެމްބަރުންކަމަށްވާ ރައްޔިތުންގެ މަޖިލީހުގެ ރައީސް އަބްދުއްރަޙީމް އަބްދުﷲއާއި، އުއްތަމަފަނޑިޔާރު ފިޔަވައި ސުޕްރީމްކޯޓުގައި ހިމެނޭ ފަނޑިޔާރުންގެ ތެރެއިން، އެކޯޓުން އިންތިޚާބު ކޮށްފައިވާ ފަނޑިޔާރު އަލްއުސްތާޛު ޙުސައިން ޝަހީދާއި، ދަށުކޯޓުތަކުގެ ފަނޑިޔާރުންގެ ތެރެއިން އެ ކޯޓުތަކުން އިންތިޚާބު ކޮށްފައިވާ ފަނޑިޔާރު އަލްއުސްތާޛު ފަރުހާދު ރަޝީދާއި ޢާންމުންގެ ތެރެއިން ރައްޔިތުންގެ މަޖިލިހުން ކަނޑައެޅި މެންބަރު އިދްރީސް ފައުޒީއާއި ސިވިލް ސަރވިސް ކޮމިޝަނުގެ ރައީސް އަލްއުސްތާޛު މުޙައްމަދު މުޖްތާޒުގެ އިތުރުން ބަންޑާރަނައިބު އަލްއުސްތާޛު އަޙްމަދު އުޝާމާއި ޤާނޫނީ ވަކީލުންގެ ތެރެއިން އިންތިޚާބު ކޮށްފައިވާ މެންބަރު އަލްއުސްތާޛު ޢަލީ ޢަބްދުއްލަޠީފެވެ.