logo
ދުނިޔެ

އަނިޔާވެރި ޔަހޫދީ ސިފައިން، ފަލަސްޠީނުގެ އެތުލީޓެއް ޝަހީދުކޮށްލައިފި

ޢައްފާން މުޙައްމަދު
28 އޯގަސްޓު 2025 - 06:20
ޝަހީދުކޮށްލާފައިވާ ފަލަސްޠީނުގެ އެތުލީޓު، އަލް އަމޫރު ---
ޝަހީދުކޮށްލާފައިވާ ފަލަސްޠީނުގެ އެތުލީޓު، އަލް އަމޫރު ---

ޔަހޫދީ ޒަޔަނިސްޓު ދައުލަތް، އިސްރާޢީލުގެ ސިފައިން، ފަލަސްޠީނުގައި ހިންގަމުންދާ އަނިޔާވެރި ގަތުލުއާންމުގެ ތެރެއިން އެ ގައުމުގެ އެތުލީޓަކު ޝަހީދުކޮށްލައިފިއެވެ.

ފަލަސްޠީނުގެ މީޑިއާތަކުން ރިޕޯޓުކޮށްފައިވާ ގޮތުގައި އަނިޔާވެރި ޔަހޫދީ ސިފައިން، ބުދަ ދުވަހު ދިން ހަމަލާއެއްގައި، ފަލަސްޠީނުގެ އަލް އަމޫރު ވަނީ ޝަހީދުކޮށްލާފައެވެ.

Ad by Hajj Corporation

Ad by Hajj Corporation

އޭނާއަށް ހަމަލާދީ ޝަހީދުކޮށްލާފައި ވަނީ، ޚާން ޔޫނިސްގައި ހުންނަ އެމެރިކަން އެއިޑް ސެންޓަރުތައް ކައިރިއަށް ދިން ހަމަލާތަކެއްގައެވެ.

އަލް އަމޫރަކީ 2023 ވަނަ އަހަރުގެ މާޗު މަހު ދޯހާގައި ބޭއްވި ވެސްޓް އޭޝިއާ ކްލަބްސް އެތުލެޓިކްސް ޗެމްޕިއަންޝިޕުގައި ޔޫތު ކެޓަގަރީން ބްރޮންޒް މެޑަލް ހާސިލްކުރި އެތުލީޓެކެވެ. ވެސްޓް އޭޝިއާގެ އެތުލެޓިކްސް ފެޑެރޭޝަންތަކުން 12 ކުލަބަކުން 250 އެތުލީޓުން ބައިވެރިވި މި މުބާރާތުގައި އަލް އަމޫރު ބްރޮންޒް މެޑަލް ހާސިލްކުރީ 3000 މީޓަރުގެ ރޭހުންނެވެ.

ދުނިޔޭގެ ޤާނޫނުތަކާއި ގަވައިދުތަކަށް ބެލުމެއްނެތި ޔަހޫދީ ދައުލަތުން ފަލަސްޠީނުގެ ބިމުގައި ހިންގަމުންދާ ނަސްލެއް ނެތިކޮށްލުމުގެ ޖަރީމާގައި އަނެއްކާވެސް ކުޅިވަރު ޝަހުއިސްޔަތެއް ޝަހީދުކޮށްލާފައި މިވަނީ، ފަލަސްޠީނުގެ ޕެލޭގެ ގޮތުގައި ނިސްބަތްކުރެވޭ ސުލައިމާން އަލް އުބެއިދު ޝަހީދުކޮށްލިތާ މަހެއް ވެސް ނުވަނީހެވެ.

ސުލައިމާން އަލް އުބެއިދުވެސް ޝަހީދުކޮށްލާފައިވަނީ އިންސާނީ އެހީއަށް، ރައްކާތެރިކަމުގެ ސަރަހެއްދެއްގެ ގޮތުގައި ކަނޑައަޅާފައިވާ ސަރަހައްދެއްގައި މަޑުކޮށްގެން ހުއްޓައެވެ.

އޮކްޓޯބަރު 7، 2023 އިން ފެށިގެން އިސްރާޢީލުގެ ޔަހޫދީ ދައުލަތުން ފަލަސްޠީނުގައި ހިންގަމުންދާ ގަތުލުއާންމުގައި މިއަދާ ހަމައަށް 800 އަށްވުރެ ގިނަ ފަލަސްޠީނުގެ ކުޅީވަރު އެތުލީޓުން ޝަހީދުކޮށްލާފައިވެއެވެ.

ފަލަސްޠީނުގައި ހުންނަ ކުޅިވަރު ފެސިލިޓީތަކުގެ ގާތްގަނޑަކަށް 90 އިންސައްތަ، އިސްރާޢީލުން ދޭ ބޮމުގެ ހަމަލާތަކުގައި ފުނޑުފުނޑުކޮށްލާފައިވާއިރު، ކުޅިވަރު އެތުލީޓުންގެ އިތުރުން ކޯޗުންނާއި ރެފްރީން ވެސް ހަމަލާދީ ޝަހީދުކޮށްލާފައިވެއެވެ.

ފަލަސްޠީޏުގެ ފުޓުބޯޅަ އެސޯސިއޭޝަނުން މައުލޫމާތުދޭ ގޮތުގައި އިސްރާޢީލުގެ ހަމަލާތަކުގައި އެ ގައުމުގެ 421 ފުޓުބޯޅަ ކުޅުންތެރިން ޝަހީދުކޮށްލާފައިވެއެވެ.

އޮކްޓޯބަރު 7 ގެ ފަހުން އިސްރާޢީލުން ހިންގަމުންދާ ޖަރީމާތަކުގައި މިހާތަނަށް 63،000 އަށްވުރެ ގިނަ ފަލަސްޠީނު ރައްޔިތުން ޝަހީދުކޮށްލާފައިވެއެވެ.

ޔަހޫދީން ދަނީ ޣައްޒާއަށް އެހީގެ ސާމާނު ވެެއްދުމަށް ހުރަސްއަޅައި، ޣައްޒާގެ ރައްޔިތުން ބަނޑަށް ޖައްސަމުންނެވެ. ބަނޑަށް ޖެހުމުގެ ސަބަބުން ވެސް ޣައްޒާގައި މިހާތަނަށް 300 އަށްވުރެ ގިނަ މީހުން ޝަހީދުވެފައިވެއެވެ. އޭގެ ތެރޭގައި 118 ކުޑަކުދިން ވެސް ހިމެނެއެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

އަނިޔާވެރި ޔަހޫދީ ސިފައިން، ފަލަސްޠީނުގެ އެތުލީޓެއް ޝަހީދުކޮށްލައިފިދުނިޔެ | 2 ދުވަސް ކުރިންފަލަސްތީނަކީ މިނިވަން ދައުލަތެއްގެ ޝަރުތު ހަމަވާ ޤައުމެއް ނޫން - ޖަރުމަންވިލާތްޚަބަރު | 3 ދުވަސް ކުރިންޣައްޒާގެ ހަނގުރާމަ ހުއްޓާލުމަށް ގޮވާލައި އިސްރާއީލުގައި އެތައް ހާސް ބަޔަކު މުޒާހަރާކޮށްފިދުނިޔެ | 12 ދުވަސް ކުރިންފަލަސްތީނު ދައުލަތެއްގެ ގޮތުގައި ބަލައިގަންނާނެކަން އޮސްޓްރޭލިއާއިން އިއުލާންކޮށްފި ދުނިޔެ | 19 ދުވަސް ކުރިން