ލާޖައްސައިގެން ހުޅުމާލެ ދެވަނަ ފިޔަވަހިން ބިމެއް ހޯދައި، ގައުމީ ބޭންކު، ބީއެމްއެލް އިން އިތުރު ބިމެއް ހުޅުމާލެއިން ގަނެފިއެވެ.

ގާތްގަނޑަކަށް 28،000 އަކަފޫޓްގެ ބިމެއް ބީއެމްއެލްއިން ވަނީ ، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ގަތުމުގެ މުއާމަލާތް މިދިޔަ ހަފުތާގައިކޯޓު މެދުވެރިކޮށް ނިންމާފައެވެ. ބޭންކުން އެ ބިން ގަނެފައިވަނީ 153،938،394 (ސަތޭކަ ފަންސާސް ތިން މިލިއަން ނުވަލައްކަ ތިރީސް އަށްހާސް ތިންސަތޭކަ ނުވަދިހަ ހަތަރު) ރުފިޔާއަށެވެ.

Ad by Hajj Corporation

ސިވިލް ކޯޓުން ކުރި ހުކުމަކުން ހުޅުމާލޭގެ 11824 ނަންބަރު ލޮޓުގެ ރަޖިސްޓްރީ މިހާރު ވަނީ ބީއެމްއެލްގެ ނަމަށް ބަދަލުކޮށްފައެވެ.

މި ބިމުގެ އިތުރުން ބީއެމްއެލް އިން ވަނީ، އެ ބޭންކުގެ ނަން މަތީގައި ހުޅުމާލެ ފޭސް 1 ގައި އޮތް ބިމެއް ލާޖައްސައި، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ނަމުގައި ހުޅުމާލެ ދެވަނަ ފިޔަވަހީގައި އޮތް ބިމަކާ ބަދަލުކޮށްފައެވެ.

އެ ދެ ބިމަކީ ވެސް 15،800 އަކަފޫޓުގެ ދެ ބިމެވެ.

އެ މުއާމަލާތާ ގުޅިގެން ސިވިލް ކޯޓުގެ ހުޅުމާލޭ ޑިވިޝަނުން މިދިޔަ ބުދަ ދުވަހު ކުރި ހުކުމުގައިވަނީ ލާޖެއްސުމުގެ މުއާމަލާތްތަކުގައި ދައުލަތުގެ ފަރާތުން ބިމުގެ ކަންކަން ހަވާލު ކޮށްފައިވާ ނާޒިރުގެ ރުހުން އޮތްތޯ ބަލަން ޖެހޭ ނަމަވެސް އެ ދެ ބިމަކީ އެޗްޑީސީގެ އިހުތިސާސްގެ ތެރޭގައި އޮތް ދެ ބިން ކަމަށް ވާތީ އެކަމުގައި ރުހުން އޮތްތޯ ބަލަން ނުޖެހޭ ކަމަށެވެ. އެ މުއާމަލާތުގައި ގާނޫނީ ހުރަހެއް ނެތުމުން އެއީ ސައްހަ މުއާމަލާތެއް ކަމަށް ހުކުމުގައިވެ އެވެ.

އެހެންވެ، ހުޅުމާލޭ ދެވަނަ ފިޔަވަހީގެ ބިމުގެ މިލްކުވެރިކަން ބީއެމްއެލް އަށް އަދި ހުޅުމާލޭ ފުރަތަމަ ފިޔަވަހީގެ ބިމުގެ މިލްކުވެރިކަން އެޗްޑީސީ އަށް ލިބިގެންވާ ކަމަށް އެ ހުކުމުގައިވެ އެވެ.

ބީއެމްއެލް އިން އަންނަނީ އެ ބޭންކުގެ ޚިދުމަތް ރައްޔިތުންނާ ވީހާވެސް ގާތުންދީ، ފަސޭހަކޮށްދިނުމަށްޓަކައި ބޮޑެތި އިންވެސްޓްމަންޓުތަކަކާއި ގިނަ މަސައްކަތްތަކެއް ކުރަމުންނެވެ.