އެތައް އަހަރުތަކެއް ވަންދެން، ވެރިރަށް މާލެ އާއި، ވެލާނާ އިންޓަރނޭޝަނަލް އެއަރޕޯޓް ހިމެނޭ ހުޅުލެ އަދި އަވަސް ދުވެލީގައި ކުރިއަރަމުންދާ އާބާދީ ހުޅުމާލެ ގުޅުވާލުމުގެ ހުވަފެން ވަނީ އުއްމީދެއްގެ ގޮތުގައެވެ. ދިވެހިން މި މުހިންމު ދަތުރުގައި ބަރޯސާވެފައިވަނީ ހަމައެކަނި ފެރީތަކާއި މޫސުމުގެ ޙާލަތަށެވެ. ބްރިޖެއްގެ ޚިޔާލު ވަނީ އެތައް އަހަރެއް ވަންދެން މަޝްވަރާކުރެވިފައެވެ. ނަމަވެސް މި ތަޞައްވުރު ޢަމަލީ ސިފައަކަށް ބަދަލުވީ 2014 ވަނަ އަހަރު ޗައިނާގެ ލީޑަރޝިޕްގެ ދައުލަތުގެ ޒިޔާރަތުގައި، ބެލްޓް އެންޑް ރޯޑް އިނީޝިއޭޓިވްގެ އޮނިގަނޑުގެ ދަށުންނެވެ.

ރާއްޖޭގެ އިޤްތިޞާދު މުޅިން އައު ހަރުފަތަކަށް ގެންގޮސްދޭނެ ތާރީޚީ ބިނާކަމުގައިވާ ސިނަމާލޭ ބްރިޖު އެޅުމުގެ ރަސްމީ މަސައްކަތްތައް 2015 ވަނަ އަހަރުގެ ތެރޭގައި ފެށުމާއެކު އެތައް ބައެއްގެ ސަމާލުކަން މި މަޝްރޫޢަށް ލިބިގެންދިޔައެވެ.

Ad by Hajj Corporation

ދިވެހިންގެ ލޯތައް ތަރައްޤީގެ އައު ކުލަވަރުތަކަކަށް ހުޅުވާލަދިން ބްރިޖުގެ މަޝްރޫޢަކީ އިންޖިނިއަރިންގެ ދާއިރާއިން ރާއްޖޭގައި ކޮށްފައިވާ އެންމެ ތަފާތު އަދި އެންމެ ބިޔަ މަސައްކަތެވެ. ދިގުމިނުގައި 2 ކިލޯމީޓަރު އަދި ފުޅާމިނުގައި 20.3 މީޓަރު ހުންނަ މި ބްރިޖުގެ މަސައްކަތް އެއްކޮށް ނިންމާލުމަށްފަހު، ބްރިޖު ރަސްމީކޮށް ހުޅުވާފައިވަނީ އެކަމަށްޓަކާ ބޭއްވި ވަރަށްވެސް ކުލަގަދަ ރަސްމިއްޔާތެއްގައެވެ.

ޗައިނާ ކޮމިއުނިކޭޝަންސް ކޮންސްޓްރަކްޝަން ކޮމްޕެނީގެ ސަބްސިޑިއަރީއެއް ކަމަށްވާ ޗައިނާ ހާބަރ އިންޖިނިއަރިންގ ކޮމްޕެނީގެ އިސްނެގުމުގެ ދަށުން މަސައްކަތް ފެށުނީ އޭގެ ކުޑަ މުއްދަތެއްގެ ފަހުންނެވެ. އިންޖިނިއަރިންގގެ ގޮންޖެހުންތައް ވަރަށް ބޮޑުވިއެވެ. ފުން ކަނޑު، ނާޒުކު ފަރުތައް އަދި ލަފާނުކުރެވޭ ކަނޑުގެ ޙާލަތްތަކެވެ. ނަމަވެސް ހުނަރާއި، ޓެކްނޮލޮޖީ އަދި އެއްބާރުލުމުގެ ސަބަބުން މަސައްކަތް ކުރިއަށް ދިޔައީ ހަލުވި ދުވެއްޔެއްގައެވެ.

ޗައިނާގެ ސީ.ސީ.ސީ.ސީ ސެކަންޑްހާބަރ އިންޖިނިއަރިން ކުންފުންޏާއި ހަވާލުކޮށްގެން ކުރިއަށްގެންދިޔަ މި މަޝްރޫޢުގެ މަސައްކަތް އެއްކޮށް ނިންމާ ބްރިޖު ހުޅުވާފައިވަނީ މި މަސައްކަތް ނިންމުމަށް ކަނޑައަޅާފައިވާ ތާރީހަށްވުރެ، 25 ދުވަސް ކުރިންނެވެ.

މި ބުރިޖުގެ މަސައްކަތްތަކަށް ޖުމްލަ 300 މިލިޔަން ޑޮލަރު ޚަރަދުކުރެވުނެވެ. އޭގެ ތެރެއިން 100 މިލިޔަން ޑޮލަރަކީ ޗައިނާ ސަރުކާރުގެ ހިލޭ އެހީގެ ގޮތުގައި ދިން ފައިސާއެވެ. އަދި 170 މިލިޔަން ޑޮލަރު ދިނީ ލޯނު އެހީގެ ގޮތުގައެވެ. ބުރިޖު މަޝްރޫޢަށް ދިވެހި ސަރުކާރުން 30 މިލިޔަން ޑޮލަރު ޚަރަދުކުރިއެވެ.

ރާއްޖެއާއި ޗައިނާއާއި ދެމެދު އޮންނަ ޒަމާންވީ އެކުވެރިކަމުގެ ގުޅުން ރަމްޒުކޮށްދޭ މި ބުރިޖުގެ ދިގުމިނުގައި 1.39 ކިލޯމީޓަރު ހުރެއެވެ. އަދި ބުރިޖުގެ ފުޅާމިނުގައި 20.3 މީޓަރު ހުންނައިރު، ހަތަރު ފުރޮޅުލީ އުޅަނދުތަކަށް ޚާއްޞަ 2 ލޭނާއި، ސައިކަލް ދުއްވަން ޚާއްޞަ ދެ ލޭން ހިމެނެއެވެ. މި މަޝްރޫޢުގައި މާލެ، ހުޅުލެ އަދި ހުޅުމާލެ ވަނީ ގުޅާލާފައެވެ.

ޗައިނާ މޯލްޑިވްސް ފްރެންޑްޝިޕް ބްރިޖް ނުވަތަ ސިނަމާލެ ބްރިޖް ހުޅުވުނުތާ އޭގެ 7 ވަނަ އަހަރީ ދުވަސް މިހާރުވަނީ ފާހަގަކޮށްފައެވެ. 2018 ވަނަ އަހަރުގެ އޯގަސްޓް މަހުގެ 30 ވަނަ ދުވަހު މި ބްރިޖް ރަސްމީކޮށް ހުޅުވިފަހުން، މިއީ ވެރިރަށް މާލެ، ވެލާނާ އިންޓަރނޭޝަނަލް އެއަރޕޯޓް ހިމެނޭ ހުޅުލެ އަދި ހަލުވިކަމާއެކު ކުރިއަރަމުންދާ އާބާދީ ހުޅުމާލެ ގުޅުވާލި، ތާރީޚީ އެއް މަޝްރޫޢެވެ. މި ބްރިޖްގެ ސަބަބުން ދަތުރުފަތުރަށް އިންޤިލާބީ ބަދަލުތަކެއް އައިސް، އިޤްތިޞާދީ ކުރިއެރުން ހަލުވިވެ، ޗައިނާއާއި ދިވެހިރާއްޖެއާ ދެމެދު އޮތް ބަދަހި ގުޅުމުގެ ރަމްޒެއްގެ ގޮތުގައި ވަނީ ވެފައެވެ.

ސިނަމާލެ ބްރިޖަކީ ދިވެހިރާއްޖެއާއި ޗައިނާއާ ދެމެދު އޮތް ރަޙްމަތްތެރިކަމުގެ ނިޝާނެއްގެ ގޮތުގައިވެސް ވަނީ ފާހަގަކުރެވިފައެވެ. މިއީ ޤައުމުތަކުގެ މެދުގައި އޮންނަ އެއްބާރުލުމުން ޙާޞިލުކުރެވޭ ކަންތައްތަކުގެ ހެއްކެކެވެ. މިއީ އިތުބާރާއި، އެއްބައިވަންތަކާއި އަދި ކުރިއެރުން ތަމްސީލުކޮއްދޭ ބޮޑު ރަމްޒެކެވެ. މިއީ ހަމައެކަނި ކޮންކްރީޓާއި ދަގަނޑުން ހަދާފައިވާ ބްރިޖެއް ނޫނެވެ. މިއީ، އަދި މިހާރުވެސް ދެމިއޮތީ، ފުރުޞަތުތަކާއި ގުޅުންތަކުގެ މިސާލެއްގެ ގޮތުގައެވެ. މި ކާމިޔާބީގެ މުހިންމުކަން އެހާ ބޮޑުވުމުގެ ސަބަބުން، ބްރިޖް ހުޅުވުނު ދުވަސްކަމަށްވާ އޯގަސްޓް 30 ވަނަ ދުވަސް ވަނީ ކަލަންޑަރުގައި ޤައުމީ އިންޖިނިއަރުންގެ ދުވަހުގެ ގޮތުގައި ފާހަގަކުރެވިފައެވެ.