އިސްރާއީލުން ޣައްޒާއަށްދޭ ހަމަލާތައް ވަގުތުން ހުއްޓާލުމަށް ގޮވާލައިފި

.jpg&w=3840&q=75)
27 ސެޕްޓެމްބަރު 2024 - 08:13
ނިރުބަވެރި އިސްރާއީލުން ފަލަސްތީނުގެ ޣައްޒާއަށްދޭ ހަމަލާތައް ވަގުތުން ހުއްޓާލުމަށް ފަލަސްތީނުގެ ރައީސް މަހުމޫދު އައްބާސް ގޮވާލައިފިއެވެ.
އޭނާ މިފަދައިން ގޮވާލާފައި މިވަނީ، އދ. ގެ އާންމު މަޖިލީހުގައި ވާހަކަ ދައްކަވަމުންނެވެ. އައްބާސް ވިދާޅުވީ، ޣައްޒާ ދޫކޮށް ފަލަސްތީން ރައްޔިތުން ނުދާނެ ކަމަށާއި އެއީ އެމީހުން އަމިއްލަ ފަސްގަނޑު ކަމަށެވެ.
އައްބާސް ވިދާޅުވީ، މި ހަނގުރާމަ އަބަދަކު ދެމިއެއް ނޯންނާނެ ކަމަށާއި، ފަލަސްތީނުގެ ރައްޔިތުންނަށް ދިމާވެފައިވާ އަނިޔާވެރިކަމުގެ ޒިންމާ މުޅި ދުނިޔޭންވެސް ނަގަން ޖެހޭނެ ކަމަށެވެ.
އައްބާސް ވަނީ އެއް އަހަރު ދުވަހުގެ ތެރޭގައި އދގެ ބެލުމުގެ ދަށުން ބައިނަލްއަގްވާމީ ސުލްހައިގެ ކޮންފަރެންސެއް ބޭއްވުމަށް ގޮވާލައްވައި އިސްރާއީލާއި ފަލަސްތީނުގެ މައްސަލައަށް ދެ ދައުލަތެއްގެ ހައްލެއް ގެނައުމަށް ތަކުރާރުކޮށް ގޮވާލައްވާފައެވެ.
އޮކްޓޯބަރު މަހުން ފެށިގެން ޣައްޒާގައި މަރުވާ މީހުންގެ ޢަދަދު އިތުރުވަމުން ދިޔަނަމަވެސް، އިސްރާއީލަށް ޑިޕްލޮމެޓިކް ކަވަރާއި ހަތިޔާރު ފޯރުކޮށްދެމުން ގެންދާކަމަށް އައްބާސް ވަނީ ވިދާޅުވެފައެވެ.
އައްބާސް ތުހުމަތު ކުރެއްވި ގޮތުގައި ޣައްޒާގައި ހަނގުރާމަ ހުއްޓާލުމަށް ގޮވާލާ އދ.ގެ ސަލާމަތީ މަޖިލީހުގެ ގަރާރުތައް ތަކުރާރުކޮށް ވީޓޯކޮށް، އިސްރާއީލުގެ ހަމަލާތައް ކުރިއަށް ގެންދިއުމަށް އެމެރިކާއިން ފުރުސަތު ދޭ ކަމަށެވެ.
މި މޮޔަކަން ދެމިނޯންނާނެއެވެ. އަޅުގަނޑުމެންގެ ރައްޔިތުންނަށް ދިމާވާ ކަންކަމުގެ ޒިންމާ އުފުލަން ޖެހޭނީ މުޅި ދުނިޔެ،" އައްބާސް ވިދާޅުވިއެވެ.
މިދިޔަ އޮކްޓޯބަރު މަހުގެ 7 ވަނަ ދުވަހުން ފެށިގެން ޣައްޒާއަށް ދެމުން އަންނަ ހަމަލާތަކުގައި މިހާތަނަށް 41،000 އަށްވުރެ ގިނަ މީހުން ޝަހީދުކޮށްލާފައިވާ ކަމަށް ފަލަސްތީނުގެ ހެލްތު މިނިސްޓްރީން ވަނީ ހާމަކޮށްފައެވެ.
އިތުރު ލިޔުންތައް

ޣައްޒާގައި މަރުވި 15،000 އަށް ވުރެ ގިނަ ކުދިންގެ ހަނދާން އާކޮށްފި
7 މަސް ކުރިން
އިސްރާއީލުން ފަލަސްތީނުގެ ސްކޫލަކަށް ދިން ހަމަލާއެއްގައި 22 މީހުން މަރުވެއްޖެ
6 މަސް ކުރިން
ޖަބަލިޔާ ރެފިއުޖީ ކޭމްޕުގެ ސުކޫލަކަށް ދިން ވައިގެ ހަމަލާއެއްގައި 15 މީހުން މަރުވެއްޖެ
6 މަސް ކުރިން