ސިޔާސަތުތައް ކަނޑައެޅުމުގައި ހުރިހާ ފަންތިއެއްގައިވެސް ރައްޔިތުންގެ އަޑު އަހައި އެ ހިޔާލުތައް ބަލައިގަނެވޭނެކަން ކަށަވަރުކުރަން ޖެހޭކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. 

ރައީސް މިފަދައިން ވިދާޅުވީ ބައިނަލްއަގުވާމީ ގޮތުން ފާހަގަކުރާ ޑިމޮކްރެސީ ދުވަހުގެ މުނާސަބާއިގައި ހިއްސާކުރެއްވި ޕޯސްޓެއްގައެވެ.

Ad by Hajj Corporation

ރައީސްވަނީ ބައިނަލްއަޤްވާމީ ޑިމޮކްރަސީ ދުވަސް ފާހަގަކުރާއިރު، އަންހެނުންނާއި ޒުވާނުންގެ ބައިވެރިވުން އިތުރުކުރުމަށް ހާއްސަ ސަމާލުކަމެއްދޭންޖެހޭކަން ފާހަގަކުރައްވައި ސިޔާސަތުތައް ކަނޑައަޅައި ނިންމުންތައް ނިންމުމުގައި ހުރިހާ ދިވެހިންގެ އަޑު އަހައި އެ ހިޔާލުތައް ބަލައިގަނެވޭނެކަން ކަށަވަރުކުރަންޖެހޭކަމަށް ވިދާޅުވެފައެވެ.

އެމަނިކުފާނު ވިދާޅުވީ އެބަޔަކަށް ހައްގު މަގާމު ހޯދުމަށް މަސައްކަތްކުރަމުންދާ އެންމެހާ ފަރާތްތަކާ އެކު ދެމިތިބޭނެކަމަށެވެ. ވަކިން ހާއްސަކޮށް އަމިއްލަ މުސްތަގިއްލު ދައުލަތެއް ގާއިމުކުރުމުގެ ހައްގު ގެއްލިފައިވާ ފަލަސްތީނުގެ ރައްޔިތުންނަށް އެކަން ކަށަވަރުކޮށްދެންޖެހޭކަމަށް އެމަނިކުފާނު ވިދާޅުވިއެވެެ.

ދުނިޔޭގެ ޑިމޮކްރަސީ ދުވަހަކީ ކޮންމެ އަހަރެއްގެ ވެސް ސެޕްޓެމްބަރު 15 ވަނަ ދުވަހެވެ. އދ. ގެ އާއްމު މަޖިލީހުގެ ގަރާރަކުން އެގޮތަށް ފާސްކޮށްގެން 2007 ވަނަ އަހަރުން ފެށިގެން މިދުވަސް އަންނަނީ ފާހަގަ ކުރަމުންނެވެ.