ސްޕެއިންގެ ގަދަބާރު، ރެއަލް މެޑްރިޑްގެ ޒުވާން ކުޅުންތެރިޔާ ޖޫޑް ބެލިންގްހަމްއަށް އަނިޔާވެ، ކުޅުމާ ދުރަށް ދާން ޖެހިއްޖެއެވެ.

އުމުރުން 21 އަހަރުގެ ބެލިންގްހަމް ކުޅުމާ ދުރަށް ދާން ޖެހުނީ އޭނާގެ ކަނާތުފައިގެ ކުޑަކަޅުވައަށް ލިބުނު އަނިޔާގެ ސަބަބުންނެވެ. އެކަން އިއުލާންކުރަމުން ރެއާލް އިން ނެރުނު ބަޔާނުގައި ބުނީ، ބެލިންގްހަމްގެ ކަނާތު ފަޔަށް އަނިޔާލިބި، ކުޅުމާ ދުރަށް ދާން ޖެހިފައިވާ ކަމަށެވެ.

އެގޮތުން އޭނާގެ ރިކަވަރީއަށް ހޭދަވާނެ މުއްދަތު މެޑްރިޑުން ހާމަކޮށްފައެއް ނުވާއިރު، އެ އަނިޔާއިން ރިކަވާވުން ގާތުން ބަލާނެ ކަމަށް އެ ކުލަބުން ވަނީ ބުނެފައެވެ.

އެކަމާ ގުޅިގެން ބެލިންގްހަމް ބޭރުގެ ނޫހަކަށް ބުނީ، އޭނާއަށް ލިބުނު އަނިޔާގެ ސަބަބުން ކުޅުމާ ދުރުގައި ހުންނަން ޖެހޭތީ މާޔޫސްވެފައިވާ ކަމަށެވެ.

ބެލިންގްހަމް އަކީ މިދިޔަ ސީޒަނުގައި އެ ޓީމަށް ކުޅުނު އެންމެ މޮޅު ކުޅުންތެރިޔާއެވެ. އަދި އޭނާ އަކީ ސްޕެނިޝް ލީގުގައި އެންމެ ގިނަ ލަނޑު ޖެހި ކުޅުންތެރިޔާ ވެސް މެއެވެ. މި އަހަރު ދެވޭ ދުނިޔޭގެ އެންމެ މޮޅު ކުޅުންތެރިޔާގެ އިނާމު ޙާސިލުކުރުމުގެ ލިސްޓުގެ އެންމެ ކުރީގައި އޮތީ އޭނާގެ ނަންކަމުގައި ފުޓުބޯޅައިގެ ދުނިޔޭގެ ގިނަ ތަޖުރިބާކާރުން ވެސް ދެކެއެވެ.