އަޔަރލޭންޑް ގެ މައްޗަށް ފަސް ގޯލުގެ ތަފާތުން ކުރި ހޯދައި އިނގިރޭސިން ޔުއޭފާ ނޭޝަންސް ލީގުގެ ލޫގު 1 އަށް ޕޮރޮމޯޓް ވެއްޖެއެވެ. ރޭގޭ މޮޅާއެކު ގްރޫޕް 2 ގެ ތާވަލުގެ ދެވަނައިގައި އޮތް ގްރީސް އާއި ޕޮއިންޓުގެ ގޮތުން ހަމަހަމަ ވި ނަމަވެސް އިނގިރޭސިން ޕްރޮމޯޝަން ކާމިޔާބުކުރީ ފައިދާ ގޯލުން ކުރިހޯދައިގެންނެވެ.

މެޗު ފެށިގެން އިންގަލްޑުން މޮޅު ކުޅުމެއް ކުޅެމުން އައި ނަމަވެސް އެޓީމަށް އަޔަރލޭންޑް ގެ ގޯލު ފޫއަޅުވާލެވޭވަރުވީ ދެ ވަނަ ހާފުގައި އަޔަރލޭންޑްގެ ޑިފެންޑަރ ލިއާމް ޕެނަލްޓީ އޭރިޔާތެރެއިން ބެލިންގްހަމް އަށް ކުރި ފައުލަކާއި ގުޅިގެން އޭނާއަށް ރަތްކާޑު ދައްކާ ދަނޑުން ފޮނުވާލުމާއި ގުޅިގެންނެވެ.

Ad by Hajj Corporation

އިންގްލަންޑް ގެ ވަގުތީ ކޯޗު ލީ ކާސްލީ ގެ އިރުޝާދުގެ ދަށުން ރޭގައި ކުޅެވުނު މެޗުގެ އިންގްލެންޑް ގެ ގޯލުތައް ޖަހައިދިނީ ކޭންގެ އިތުރުން ގޯޑަން އާއި ގަލަގާ އާއި ބޮވެން އަދި ޓޭލާ ހާރވޫޑް އެވެ. މިއީ އިނގިރޭސި ޓީމަށް ޓޭލާ ޖަހައިދިން ފުރަތަމަ ގޯލެވެ. ރޭގެ މެޗުގައި ބެލިންގްހަމް ވަނީ ދެ އެސިސްޓް ހަދައިދީ މެޗުގެ މޮޅުކުޅުންތެރިޔާގެ މަޤާމް ހޯދާފައެވެ.