ކޮޕަ ޑެލްރޭގައި ރެއާލް މެޑްރިޑުގެ ބެންޗު ޓީމުން އަރައި 4 ވަނަ ޑިވިޝަނުގެ ޑެޕޯރޓީވޯ މިނޭރާ ކޮޅަށް ގޯލު ފުންޖެއް ޖަހައިފިއެވެ. މިމެޗު ރެއާލް މެޑްރިޑުން ކާމިޔާބުކުރީ 5-0 އިންނެވެ.

ރެއާލް މެޑްރިޑުގެ ފުރަތަމަ ގޯލު ޖެހީ 5 ވަނަ މިނެޓުގައި ފެޑްރީކޯ ވަލްވާޑޭއެވެ. ރެއާލް ގެ ދަވަނަ ގޯލު 14 ވަނަ މިނެޓުގައި ޖެހީ ކަމަވިންގާއެވެ. މެޗުގެ 3 ވަނަ ގޯލުޖެހީ 28 ވަނަ މިނެޓުގައި ތުރުކީގެ އާރދާ ގުލާއެވެ. މެޗުގެ ދެވަނަ ހާފުގެ 10 ވަނަ މިނެޓުގައި ލޫކާ މޮޑްރިޗް ވަނީ ގޯލެއް ޖަހާފައެވެ. މެޗުގެ ފަހު ގޯލު ކާމިޔާބުކޮށްދިނީ ދެވަނަ ހާފުގެ ފަހުވަގުތުގައި އާރދާ ގުލާއެވެ.

މި މުބާރާތުގެ ތަށި މިހާތަނަށް 20 ފަހަރަށް ރެއާލް މެޑްރިޑުން ވަނީ ކާމިޔާބުކޮށްފައެވެ. މި މުބާރާތުގެ އެންމެ ކާމިޔާބު ޓީމަކީ ބާސެލޯނާއެވެ. އެގޮތުން ބާސެލޯނާއިން މިމުބާރާތުގެ ތަށި ޖުމްލަ 31 ފަހަރު ކާމިޔާބުކޮށްފައިވެއެވެ. މިމުބާރަތުގެ މިދިޔަ އަހަރުގެ ޗެންޕިއަން ޓީމަކީ އެތްލެޓިކޯ ބިލްބާއޯއެވެ.