މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ބެލްޓް އެންޑް ރޯޑް އިނީޝިއޭޓިވް ޓެކްސް އެޑްމިނިސްޓްރޭޝަން ކޯޕަރޭޝަން މެކޭނިޒަމް (ބްރިޓާކޮމް)ގެ މެމްބަރަކަށް ރަސްމީކޮށް ހަމަޖެއްސީ މި ސެޕްޓެމްބަރު މަހުގެ 24 ވަނަ ދުވަހު ހޮންގްކޮންގްގައި ބޭއްވި ފަސްވަނަ ބެލްޓް އެންޑް ރޯޑް އިނީޝިއޭޓިވް ޓެކްސް ކޯޕަރޭޝަން ފޯރަމްގައެވެ. އެގޮތުން އެ ފޯރަމްގައި މިރާއިން ވަނީ ކަމާއިގުޅޭ ފަހުމުނާމާގައި ސޮއިކޮށްފައެވެ.

މި ފަހުމުނާމާގައި ސޮއިކުރެއްވުމަށްފަހު ކޮމިޝަނަރ ޖެނެރަލް އޮފް ޓެކްސޭޝަން ޙަސަން ޒަރީރު ވަނީ މީރާގެ ބައިވެރިވުމުގެ މުހިންމުކަމުގެ މައްޗަށް އަލިއަޅުއްވާލައްވައި، މިކަމުގެ ސަބަބުން ބެލްޓް އެންޑް ރޯޑް އިނީޝިއޭޓިވް (ބީއާރުއައި) ސަރަޙައްދުގެ ޓެކްސް އިދާރާތަކުގެ މެދުގައި ގުޅުން ބަދަހިވެގެންދާނެކަން ފާހަގަކުރައްވާފައެވެ. ރައީސުލްޖުމްހޫރިއްޔާ ދެއްކެވި ވާހަކަފުޅުގައި، ޢާންމު ގޮންޖެހުންތަކުން އަރައިގަތުމަށް އެންމެން ގުޅިގެން ކުރާ މަސައްކަތްތަކުގެ ދައުރަށް އަލިއަޅުއްވާލައްވައި، ސަރަޙައްދީ އަދި ބައިނަލްއަޤްވާމީ އެއްބާރުލުމަކީ، ރެޒިލިއަންޓް ޓެކްސް ނިޒާމުތައް ބިނާކުރުމުގައި މުހިންމު ކަމެއްކަން ފާހަގަކުރެއްވިއެވެ.

ބްރިޓާކޮމްއާ ގުޅި، މީރާގެ އަމާޒަކީ އެ ޕްލެޓްފޯމްގެ ވަސީލަތްތައް ހޯދުމާއި، ފަންނީ އެހީތެރިކަމާއި ތަމްރީނު ޕްރޮގްރާމްތަކާއި، ކުރިއަރާފައިވާ ގައުމުތަކާ އެކު މައުލޫމާތު ހިއްސާކުރުން ފަދަ ވަސީލަތްތައް ބޭނުންކޮށްގެން ޓެކްސް އެޑްމިނިސްޓްރޭޝަންގެ ގާބިލްކަން އިތުރުކުރުމެވެ. މި އެއްބަސްވުމުގެ ސަބަބުން މީރާއިން ރާއްޖޭގެ ޓެކްސް ނެގުމާއި އެޑްމިނިސްޓްރޭޝަން ޕްރެކްޓިސްތަކުގައި އެފިޝަންސީ އިތުރުކުރުމަށް މަގުފަހިވެގެންދާނެއެވެ.

ބްރިޓާކޮމްގައި މީރާގެ ބައިވެރިވުން ދައްކުވައިދެނީ ބައިނަލްއަގްވާމީ ޕާޓްނާޝިޕްތައް ފުޅާކޮށް، ޓެކްސް އެޑްމިނިސްޓްރޭޝަންގައި ބައިނަލްއަގުވާމީ ބެސްޓް ޕްރެކްޓިސްތައް ގެންގުޅެން މީރާއިން ކުރާ މަސައްކަތްތަކެވެ.