ފެމިލީ ކޯޓުގެ ހިންގުން ވަގުތީގޮތުން އެ ކޯޓުގެ ގާޒީ އަބްދުﷲ މުހައްމަދާ ހަވާލުކުރައްވައިފިއެވެ.

ޖުޑީޝިއަލް ސާވިސް ކޮމިޝަން (ޖޭއެސްސީން) ހާމަކުރީ، ފެމެލީ ކޯޓު ވަގުތީގޮތުން ހިންގުން އެ ކޯޓުގެ ގާޒީ އަބްދުﷲ މުހައްމަދުއާއި ހަވާލުކުރައްވަން އެ ކޮމިޝަނުގެ މި އަހަރުގެ 34 ވަނަ ޖަލްސާގައި ނިންމާފައިވާ ކަމަށެވެ.

Ad by Hajj Corporation

ފެމިލީ ކޯޓުގެ އިސް ގާޒީގެ މަގާމު ހުސްވީ އެ މަގާމުގައި ކުރިން ހުންނެވި އިބްރާހިމް މާހިރު ހައިކޯޓުގެ ފަނޑިޔާރުކަމަށް އައްޔަނުކުރެއްވުމާ ގުޅިގެންނެވެ.

އެ ކޯޓުގެ ގާޒީކަމަށް ކުރިމަތިލުމުގެ ފުރުސަތު ޖުޑީޝިއަލް ސާވިސް ކޮމިޝަން (ޖޭއެސްސީ)ން މިހާރު ހުޅުވާލާފައިވާއިރު ގާޟީކަމަށް ކުރިމަތިލުމަށް ފުރުޞަތު ހުޅުވާލާފައިވަނީ 02 އޮކްޓޫބަރު 2025 ވަނަ ދުވަހުގެ 12:00 ގެ ކުރިން  އެ ކޮމިޝަނުގެ ފަހިރެސް ޕޯޓަލް މެދުވެރިކޮށެވެ. 

ފެމެލީ ކޯޓަށް ފަނޑިޔާރަކު ނެގުމުގައި އަމަލުކުރާނީ "ދިވެހިރާއްޖޭގެ ކޯޓުތަކަށް ފަނޑިޔާރުން ޢައްޔަނުކުރުމުގައި ޢަމަލުކުރާނެ ގަވާއިދު" ގައިވާ ގޮތުގެމަތިންނެވެ.