ހުޅުމާލޭގެ އެކި ސަރަހައްދުތަކުގައި ފެއާތަކާއި އެހެނިހެން އިވެންޓުތައް ބޭއްވުމަށް ހައުސިން ޑިވެލޮޕްމެންޓު ކޯޕަރޭޝަން (އެޗްޑީސީ)އިންް ނަގަންޖެހޭ ހުއްދަތައް ނުނަގައި ބައެއް ފަަރާތްތަކުން ސްޓޯލުތައް ވިއްކަމުންދާތީ އެކަމަށް ސަމާލުވުމަށް އެ ކުންފުނިން އިލްތިމާސްކޮށްފިއެވެ. 

އެޗްޑީސީން ވަނީ ހުޅުމާލޭގައި ބާއްވާ އިވެންޓެއްގެ ސްޓޯލް ގަތުމުގެ ކުރިން، އިވެންޓެއް ރާވާ ފަރާތަކީ އެޗްޑީސީން ދޫކުރާ ހުއްދަ އޮތް ފަރާތެއްކަން އެ ކޯޕަރޭޝަންގެ ޕާމިޓްސް އެންޑް ސާވިސަސް ސެކްޝަނާ ގުޅޭ ނަންބަރު 3356112 އަށް ގުޅައި ޔަގީން ކުރެއްވުމަށް އެދިފައެވެ. އަދި އެޗްޑީސީގެ ހުއްދަ ނެގުމެއް ނެތި މިގޮތަށް އިވެންޓުތައް ހިންގުމުގެ ނަމުގައި ސްޓޯލްތައް ދޫކުރުމުންނާއި ސްޓޯލްތައް ގަތުމުގެ ސަބަބުން ލިބިދާނެ މާލީ ގެއްލުމަކަށް އެ ކޯޕަރޭޝަނުން ޒިންމާ ނުވާނެ ކަމަށް ވެސް އެކޯޕަރޭޝަނުން ވަނީ އަންގާފައެވެ.

Ad by Hajj Corporation

މީގެ އިތުރުން 14 މެއި 2025 ގައި އާންމުކޮށްފައިވާ އިޢުލާނުން، ހުޅުމާލޭގައި ފެއަރނައިޓް މާކެޓް އަދި މަގުމަތީ ބާޒާރު ހިންގުމަށް ސަރަޙައްދު ދޫކުރުން ވަގުތީގޮތުން ހުއްޓާލާފައިވާކަންވެސް އެ ކޯޕަރޭޝަނުން ވަނީ ހަނދާންކޮށްދީފައެވެ.