މާލެއިން ޅ. ނައިފަރަށް ދަތުރުކުރަމުން ދަނިކޮށް ދިޔަވެގެން އަޑިއަށްދިޔަ "ނަސްރު" ބޯޓުން ބައެއް ތަކެތި އޮޔާދާތީ ސަމާލުވުމަށް އެދިއްޖެއެވެ.

އެމްއެންޑީއެފުން ބުނީ ބޯޓު އަޑިއަށް ދިއުމާ ގުޅިގެން އުޅަނދުގެ ބައެއް ތަކެތި އޮޔާދާކަމަށް ވަނީ ފާހަގަކުރެވިފައިކަމަށެވެ. އަދި މި ތަކެތި އޮޔާދާނެ ކަމަށް ލަފާކުރެވެނީ އަލިގާގެ އިރުމައްޗަށް ވާގޮތަށެވެ.

Ad by Hajj Corporation

މި ސަރަހައްދުން ދަތުރުކުރާ އުޅަނދުފަހަރުގެ ސަލާމަތާއި ރައްކާތެރިކަމަށްޓަކައި، އެމްއެންޑީއެފުން ވަނީ އެ ސަރަހައްދުން ދަތުރުކުރާ ފަރާތްތަކުން އިތުރު ސަމާލުކަމެއް ދިނުމަށް އިލްތިމާސްކޮށްފައެވެ.

މި ބޯޓު އަޑިއަށް ގޮސްފައިވަނީ ޅ.އަލިގާގެ ދެކުނުން 3.3 ނޯޓިކަލް މޭލުން ބޯޓު ދިޔަވެގެންނެވެ.

ބޯޓު ދިޔަވަމުން ދިޔަ ވަގުތު، އެ ބޯޓުގައި ތިބި ފަސް ފަޅުވެރިން ވަނީ ކޯސްޓްގާޑް ހާބަރ ކްރާފްޓަށް ރައްކާތެރިކަމާއެކު ނަގާފައެވެ. އަދި އެ ފަޅުވެރިން ވަނީ ޅ. ނައިފަރަށް ރައްކާތެރިކަމާއެކު ގެންގޮސްފައެވެ.

މިދުވަސްވަރު ރާއްޖެއަށް މޫސުން ގޯސްވެ ކަނޑުމަތީގެ ހާދިސާތައް އިތުރުވަމުންދާތީ ކަނޑުދަތުރުކުރާ ފަރާތްތަކުން މޫސުމަށް ހާއްސަ ސަމާލުކަމެއް ދިނުމަށް ކަމާބެހޭފަރާތްތަކުން އިލްތިމާސް ކޮށްފައިވެއެވެ.