ވެލާނާ އިންޓަނޭޝަނަލް އެއާޕޯޓް (ވީއައިއޭ) ތެރެއިން ބެންކެއްގެ ދެ މުވައްޒަފުންގެ އަތުގައި އޮތް ފައިސާ ހުރި ސޫޓްކޭހެއް ފޭރިގެންފިއެވެ.

މި ހާދިސާ ހިނގާފައި ވަނީ ވީއައިއޭގެ ޓާމިނަލް 1 އަށް ވަންނަން ދިޔަ ވަގުތު މޫނު ނިވާކޮށްގެން ތިބި ބަޔަކު ސޫޓްކޭސް ފޭރިގަނެގެންނެވެ.

Ad by Hajj Corporation

ފުލުހުން ދިން މައުލޫމާތުގައިވާ ގޮތުން، ބެންކެއްގެ ދެ މުވައްޒަފުން އެއާޕޯޓްގެ ޓާމިނަލް 1 އަށް ވަންނަން ދިޔަވަގުތު މޫނު ނިވާކޮށްގެން ތިބި ބަޔަކު ވަނީ އެ މުވައްޒަފުން އަތުގައި އޮތް ފައިސާ ހުރި ސޫޓްކޭސް ފޭރިގަނެގެން ފިލާފައެވެ.

މި މައްސަލަ ފުލުހުންނަށް ރިޕޯޓްކޮށްފައި ވަނީ ރޭ ފަތިހު 4:45 ގައެވެ.

މި މައްސަލަ ތަހުގީގުކުރަމުން އަންނަކަމަށް ފުލުހުން ބުންޏެވެ.