ވެލާނާ އިންޓަނޭޝަނަލް އެއަރޕޯޓް (ވީއައިއޭ)ގެ އާ ފަސިންޖަރު ޓާމިނަލް, ޓާމިނަލް 1 ސްވިޓްޒަލޭންޑްގެ އެޑްލްވެއިސް އެއަރލައިނަށް ހިދުމަތްދޭން ފަށައިފިއެވެ.

ސްވިޓްޒަލޭންޑްގެ އެޑްލްވެއިސް އެއަރލައިނަކީ އައު ޓާމިނަލުން ހިދުމަތްދޭންދެށި 22 ވަނަ އެއާލައިނެވެ. އޭގެކުރިން އުޒްބަކިސްތާން އެއަރވޭސް، ސިޗުއާން އެއަރލައިން އަދި ޔޫއެސް ބަންގްލާ އެއަރލައިންވެސް ވަނީ އައު ޓާމިނަލަށް ބަދަލުކޮށްފައެވެ.ޓާމިނަލް 1 އިންމި އެއާލައިންތަކަށް ހިދުމަތް ދޭން ފެށުން ފާހަގަކުރުމަށް ހާއްސަ ރަސްމިއްޔާތުތަކެއް ވަނީބާއްވައިފައެވެ.

Ad by Hajj Corporation

އެމްއޭސީއެލްގެ އަމާޒަކީ ރާއްޖެއަށް ދަތުރުކުރާ ހުރިހާ އެއާލައިނަކަށްވެސް އެންމެ ފުރިހަމަ އަދި އެންމެ މަތީ ފަންތީގެ ހިދުމަތެއް ފޯރުކޮށްދިނުމެވެ.

ޖުލައި 26 ވަނަ ދުވަހު ވެލާނާ އިންޓަރނޭޝަނަލް އެއަރޕޯޓްގެ އައު ޓަރމިނަލް ހުޅުވުމަށްފަހު، ރާއްޖެއަށް ދަތުރުކުރާ އެއަރލައިންތަކުގެ ޚިދުމަތްތައް ދަނީ އައު ޓަރމިނަލަށް ބަދަލުކުރަމުންނެވެ. 

ސްވިޓްޒަލޭންޑްގެ އެޑްލްވެއިސް އެއަރލައިންގެ ދަތުރުތައް ރާއްޖެއަށް އިތުރުކުރުމާ ގުޅޭގޮތުން މިއަހަރުގެ މާޗުމަހު އައިޓީބީ ފެއާގެ ތެރެއިން ވަނީ މަޝްވަރާކޮށްފައެވެ. އެ އެއަރލައިނުން މިހާރުވެސް ދަނީ ކޮންމެ ހަފްތާއަކު ރާއްޖެއަށް ދަތުރުކުރަމުންނެވެ.

އެހެންނަމަވެސް ޚާއްސަކޮށް ލޯ ސީޒަންގައި ރާއްޖެއަށް އަންނަ ފަތުރުވެރިންގެ ޢަދަދު އިތުރުކޮށް އެއަރލައިންގެ ދަތުރުތައް ބޭއްވޭނެ ގޮތްތަކާއި ގުޅޭގޮތުން މި ފެއާގެ ތެރެއިންވަނީ މަޝްވަރާކޮށްފައެވެ.