މިިދިޔަ މަހު ، ގެއްލިގެން، ހޯދައި ރިކަވާކުރި މުދަލުގެ ގޮތުގައި ފަސް މިލިއަން ރުފިޔާއަށް އަގުއަަރައި މިންވަރަށް މުދާ ހޯދިފައި ވާ ކަމަށް ފުލުހުންގެ ތަފާސްހިސާބު ތަކުން ދައްކައިފިއެވެ.

މާލޭ ޕޮލިސް ކޮމާންޑުން މިދިޔަ މަހު ކުރި މަސައްކަތުގެ ތަފާސް ހިސާބުތައް މިއަދު ވަނީ އާންމުކޮށްފައެވެ.އެގޮތުން މިދިޔަ މަހުގެ ތެރޭ މާލޭ ޕޮލިސް ކޮމާންޑުން ފަސް މިލިއަނެއްހާ ރުފިޔާއަށް އަގުއަރައިހާ ގިނަ މުދާ ރިކަވާކޮށްފައިވާއިރު އޭގެ ތެރެއިން އެންމެ ގިނައިން ގެއްލިގެން ހޯދާފައި ވަނީ ސައިކަލުކަން ތަފާސްހިސާބުތަކުން ދައްކައެވެ.

Ad by Hajj Corporation

ގެއްލިގެން، ހޯދައި ރިކަވާކުރި މުދަލުގެ ތެރޭގައި، 4،885،300(ހަތަރު ލައްކަ،އައް ސަތޭކަ އައްޑިހަ ފަސް ހާސް،ތިން ސަތޭކަ) ރުފިޔާއަށް އަގު އަރާ، ޖުމްލަ 110 ސައިކަލާއި، 302،830(ތިން ސަތޭކަ ދެހާސް،އަށް ސަތޭކަ ތިރީސް) ރުފިޔާއަށް އަގު އަރާ، ޖުމްލަ 31 ފޯނާއި،62،565(ފަސް ދޮޅަސް ދެހާސް،ފަސްސަތޭކަ ފަސްދޮޅަސް ފަހެއް) ރުފިޔާއަށް އަގު އަރާ، ޖުމްލަ 12 އިލެކްޓްރޯނިކް އާލާތް އަދި 32 ފައިސާ ވަގަށް ނެގުމުގެ މައްސަލައަކުން ، ޖުމްލަ 324،344 (ތިން ސަތޭކަ ސައްވީސް ހާސް ،ތިން ސަތޭކަ ސާޅިސް ހަތަރު)ރުފިޔާ ގެ އިތުރުން އެހެނިހެން 65 މައްސަލައަކުން ޖުމްލަ 164،866 (ސަތޭކް ފަސް ދޮޅަސް ހަތަރު ހާސް،އަށް ސަތޭކަ ފަސް ދޮޮޅަސް ހަ)ރުފިޔާގެ މުދާ ހިމެނެއެވެ.

މިދިޔަ ސެޕްޓެމްބަރު މަހު ވެސް އެންމެ ގިނައިން ގެއްލިގެން ހޯދާފައި ވަނީ ސައިކަލެވެ. އެގޮތުން އެމަހު 90 ސައިކަލު ފުލުހުން ހޯދާފައިވެއެވެ.

މީގެ އިތުރުން އެކި މައްސަލަތަކުގައި މާލޭ ޕޮލިސް ކޮމާންޑުން މިދިޔަ މަހު ދެ ބިދޭސީއަކު އިމިގްރޭޝަނަށް ވެސް ހަވާލުކޮށްފައިވެއެވެ.