އައްޑޫ ސިޓީގެ ހިތަދޫގައި ދުއްވަމުން ދިޔަ ކާރެއްގައި ރޯވެ އަލިފާނުގެ ހާދިސާއެއް ހިނގައިފިއެވެ.

Ad by Hajj Corporation

މި ކާރުގައި ރޯވި އަލިފާން، އެމްއެންޑީއެފް ސަދަން އޭރިއާ ކޮމާންޑްގެ ހިތަދޫ ފަޔަރ ސްޓޭޝަނުގެ ފަޔަރ ފައިޓަރުން ހަރަކާތްތެރިވެ މިހާރު ނިއްވާލާފައިވާއިރު، މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށް އެމްއެންޑީއެފް އިން ބުނެއެވެ.

މި ހާދިސާގެ ރިޕޯޓް އެމްއެންޑީއެފް ސަދަން އޭރިއާ ކޮމާންޑް، ހިތަދޫ ފަޔަރ ސްޓޭޝަނަށް ލިބިފައިވަނީ ބުދަ ދުވަހުގެ ރޭ 22:45 ހާއިރުއެވެ.

މި ރިޕޯޓް ލިބުމާއެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އަލިފާން ރޯވި ސަރަހައްދަށް ގޮސް އަލިފާން ނިއްވުމުގެ މަސައްކަތް ފަށާފައެވެ. އެމްއެންޑީއެފްގެ ހަލުވި މަސައްކަތުން ކާރުގައި ރޯވި އަލިފާން އެއްކޮށް ކޮންޓްރޯލްކޮށް ނިއްވާލެވުނީ 23:11 ހާއިރުއެވެ.

މިހާދިސާގެ ފޮޓޯއިން ފެންނަ ގޮތުގައި ކާރުގައި ވަނީ ވަރަށް ބޮޑަށް ރޯވެފައެވެ.

ކާރުގައި ރޯވާން ދިމާވި ސަބަބު އަދި ސާފެއްނުވެއެވެ.