ޓެކްސް ނެގުމާބެހޭ އިދާރީ ގާނޫނުގެ ދަށުން ޓެކްސް އެޕީލް ޓްރައިބިއުނަލްގެ މެންބަރުކަމަށް، ފަސް ބޭފުޅަކު، ރައީސުލްޖުމްހޫރިއްޔާ ޑރ. މުހައްމަދު މުއިއްޒު، އައްޔަންކުރައްވައިފިއެވެ.

ޓެކްސް އެޕީލް ޓްރައިބިއުނަލްގެ މެންބަރުކަމަށް ރައީސުލްޖުމްހޫރިއްޔާ އައްޔަންކުރެއްވި ފަސް ބޭފުޅުންނަކީ، ޙަސަން ނާޞިޙް އަޙްމަދު/ސ. ހިތަދޫ މާވަހި، އުސާމާ މޫސާ/ށ. ކޮމަންޑޫ ޗަމަން، ޢާއިޝަތު އިޝާ/ ހމ. ފްލެޓް ނަންބަރު 02-2-88،އަދި ޝިފްޒާ ޢަބްދުލްޤައްޔޫމް/ ގއ. ނިލަންދޫ ގަސްދޮށުގެ އިތުރުން އަޙްމަދު ޔާމީން/ގދ. ގައްދޫ ބީޗްކޯނާ އެވެ.

Ad by Hajj Corporation

ޓެކްސް އެޕީލް ޓްރައިބިއުނަލްގައި މިހާރު ތިއްބެވި ފަސް މެންބަރުންގެ މުއްދަތުހޮނިހިރު ދުވަހު ހަމަވުމާއި ގުޅިގެން، މެންބަރުކަމަށް މި ފަސް ބޭފުޅުން މިވަނީ އިއްޔެ އައްޔަންކުރައްވާފައިވެއެވެ. މި މަގާމުތަކަށް ޖުމްލަ 14 ބޭފުޅުން ކުރިމަތިލާފައިވެއެވެ. މަގާމުތަކަށް ކުރިމަތިލާން ހުށަހެޅި މުއްދަތުގައި ކުރިމަތިލި ބޭފުޅުންގެ ނަންތައް މަޖިލީހަށް ރައީސް ވަނީ ހުށަހަޅުއްވާފައެވެ.

ޓެކްސް އެޕީލް ޓްރައިބިއުނަލަކީ ޓެކްސްނެގުމާ ބެހޭ އިދާރީ ޤާނޫނުގެ ދަށުން ޓެކްސްއާ ގުޅޭ މައްސަލަތައް ބެލުމަށް އުފައްދާފައިވާ އިދާރާއެކެވެ.