އަވަސް އެޕުން ޓެކްސީގެ ހިދުމަތްދޭ ފަރާތްތަކުގެ އިތުރުން، އަވަސް އެޕުގެ ހިދުމަތް ލިބިގަންނަ ފަރާތްތަކަށް ބީއެމްއެލްގެ 250 ރުފިޔާގެ ގިފްޓް ކާޑެއް ހޯދުމުގެ ފުރުސަތު ލިބޭ ޕްރޮމޯޝަނެއް ފަށައިފިއެވެ.

އަވަސް އެޕް މެދުވެރިކޮށް ފުރަތަމަ ފަހަރަށް ޓެކްސީއެއް ބުކްކުރާ ފަރާތްތަކަށް 15 އިންސައްތަ ޑިސްކައުންޓް ލިބިގެންދާ މި ޕްރޮމޯޝަނުގައި، ބީއެމްއެލްގެ ޑެބިޓް، ކްރެޑިޓް އަދި ޕްރީޕެއިޑް ކަސްޓަމަރުންނަށްވެސް ބައިވެރިވެވޭނެއެވެ.

Ad by Hajj Corporation

މީގެ އިތުރުން ބީއެމްއެލް ކާޑެއް ބޭނުންކޮށްގެން ބުކް ކުރާ ކޮންމެ ދަތުރަކާއެކު ގިފްޓް ކާޑު ލިބުމުގެ ފުރުސަތު ބޮޑުވާނެ ކަމަށް ބީއެމްއެލް އިން ބުނެއެވެ. އަދި ޑްރައިވަރުން ޕްރޮމޯޝަނުގައި ބައިވެރިވާން ކުރަންޖެހޭހާވެސް ކަމަކީ ބީއެމްއެލް ކާޑެއް މެދުވެރިކޮށް ބުކް ކުރާ ރައިޑެއް އެކްސެޕްޓުކުރުން ކަމަށް ބީއެމްއެލް އިން ބުނެއެވެ.

މި ޕްރޮމޯޝަނުގައި ކޮންމެ ހަފްތާއަކު ދެ ޑްރައިވަރުންނަށާއި ދެ ކަސްޓަމަރުންނަށް ގިފްޓް ކާޑު ލިބޭނެކަމަށް ބީއެމްއެލްއިން ބުނެއެވެ.

ޕްރޮމޯޝަން ކުރިއަށްދާނީ މިމަހުގެ ފުރަތަމަ ދުވަހުން ފެށިގެން އަންނަ ޖަނަވަރީ މަހުގެ 11 ވަނަ ދުވަހުގެ ނިޔަލަށް ކަމަށް ބީއެމްއެލް އިން މައުލޫމާތުދީފައިވެއެވެ.