ބްރޯޑްކާސްޓްކުރުމުގެ އަމާޒަކަށްވާންވާނީ ގައުމުގެ ހައްގުގައި ވަކާލާތުކުރުން: ރައީސް

ރައީސް ޑރ. މުހައްމަދު މުއިއްޒު// އެމަނިކުފާނުވަނީ ބްރޯޑްކާސްޓްކުރުމުގެ އަމާޒަކަށްވާންވާނީ ގައުމުގެ ހައްގުގައި ވަކާލާތުކުރުންކަމަށް ވިދާޅުވެފައި

04 އޮކްޓޯބަރު 2024 - 03:50
ބްރޯޑްކާސްޓްކުރުމުގެ އަމާޒަކަށްވާންވާނީ ގައުމުގެ ހައްގުގައި ވަކާލާތުކުރުންކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ މިއަދު ފާހަގަކުރަމުންދާ ދިވެހިރާއްޖޭގެ ބްރޯޑްކާސްޓިން ދުވަހުގެ މުނާސަބަތުގައި ފޮނުއްވި މެސެޖުގައެވެ.
ރައީސް ވިދާޅުވީ ބްރޯޑްކާސްޓްކުރުމަކީ އަމާނާތެއްކަމަށާއި އަދި އެއީ މަސްއޫލިއްޔަތެއްކަމަށެވެ. އަދި ދިވެހިރާއްޖޭގެ ބްރޯޑްކާސްޓްކުރުމުގެ ދާއިރާގެ މައިގަނޑު އަމާޒަކަށް ވާންވާނީ، ދިވެހިރާއްޖެއާއި ދިވެހި ގައުމުގެ ހައްގުގައި ވަކާލާތުކުރުންކަމަށް އެމަނިކުފާނު ވިދާޅުވިއެވެ.
ކޮންމެ އަހަރެއްގެވެސް އޮކްޓޯބަރުމަހުގެ 4 ވަނަ ދުވަސް ފާހަގަކުރަނީ ދިވެހިރާއްޖޭގެ ބްރޯޑްކާސްޓިން ދުވަހުގެ ގޮތުގައެވެ.
ބްރޯޑްކާސްޓް ކުރުމުގެ ހިދުމަތް ރަސްމީ ސިފައެއްގައި ރާއްޖޭގައި ފެށިގެން އައީ 1962ވަނަ އަހަރުއެވެ.
މީގެ ކުރިން މި ހިދުމަތް ދެމުން އައީ ހަމައެކަނި ސަރުކާރުންގެ ކަމަށްވީ ނަމަވެސް އެކަން ބަދުލުވެ އަމިއްލަ ޗެނަލްތަކުންވެސް މިއަދު އަންނަނީ ރާއްޖޭގައި ބްރޯޑްކާސްޓްކުރުމުގެ ހިދުމަތް ދެމުންނެވެ.ރާއްޖޭގައި ފުރަތަމަ ފަހަރަށް އަމިއްލަ ފަރާތްތަކަށް ބްރޯޑްކާސްޓް ކުރުމުގެ ހުއްދަ ދީފައިވަނީ 2007ވަނަ އަހަރުގެ ޖުލައި މަހުގެ ކުރީކޮޅުގައެވެ.
އިތުރު ލިޔުންތައް

ޢަބްދުލްމަޖީދުގެ އާއިލާއަށް ރައީސް ތައުޒިޔާ ވިދާޅުވެއްޖެ
6 މަސް ކުރިން
މަރާމާތަށްފަހު މާލޭގެ އާސަހަރާ މިސްކިތާއި އާ ސަހަރާ ހުޅުވައިފި
6 މަސް ކުރިން
އާސަހަރާ މަރާމާތުކުރެވުނީ ބޭނުންވީ ގޮތަށް: ރައީސް މުއިއްޒު
6 މަސް ކުރިން