ޖަލުތަކުގައި ތިބޭ ގައިދީން ކުރާ ކޯލްތައް ރިޕޯޓްކޮށްދިނުމަށް ދާހިލީ ސަލާމަތާއި ފަންނިއްޔާތާ ބެހޭ ވުޒާރާއިން އިލްތިމާށްކޮށްފިއެވެ.

ވުޒާރާއިން މިއަދު ނެރުނު ބަޔާނެއްގައި ބުނީ ޖަލުގައި ތިބޭ ގައިދީން އެކި ފަރާތްތަކަށް ގުޅާ ޤާނޫނާ ޤަވާއިދާ ޚިލާފު އަމަލުތައް ހިންގުވާކަން ފާހަގަކުރެވިފައިވާކަމަށާއި މިކަމަށް ހައްލެއް ހޯދުމުގެ ގޮތުން، ސަރުކާރުން ވަނީ މިފަދަ ކޯލްތައް ރިޕޯޓް ކުރެވޭނެ އިންތިޒާމް ހަމަޖައްސާފައިކަމަށެވެ.

ވުމާއެކު ޖަލުތަކުން ކުރާ ކޯލެއްކަމަށް ޝައްކުކުރެވޭނަމަ http://onegov.mv/entities/MCS mi ލިންކަށް ވަންނަވައި ގުޅި ނަންބަރުގެ މަޢުލޫމާތު ޙިއްސާކޮށްދެއްވުން އެދޭކަމަށް ވުޒާރާއިން މައުލޫމާތުދެއެވެ

Ad by Hajj Corporation

ޖަލުތަކުގައި ފޯނު ބޭނުންކުރުމާއި ޖަލުގައި ތިބޭ ގައިދީން ސްކޭމް ކޯލުތައް ކުރުމުގެ މައްސަލައަކީ ބޮޑުވެފައިވާ މައްސަލައެކެވެ. އޮޅުވަލައިގެން ފައިސާ ފޭރުމަށް ކުރާ ސްކޭމް ކޯލްތައް އެންމެ ގިނައިން ކުރަނީ ޖަލުން ކަމަށްވާއިރު އެ އެކަން ހުއްޓުވުމަށް ހާއްސަ ފިޔަވަޅުތަކެއް ކަމާ ގުޅުންހުރި އިދާރާތަކުން ދަނީ އަޅަމުންނެވެ.