ރައީސް ޑރ. މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން ފަސްޓް ލޭޑީ މެޑަމް ސާޖިދާ މުޙައްމަދު، ރ. ދުވާފަރަށް މިއަދު ވަޑައިގެންނެވުމުން އެރަށުން ރަތްދޫލައިގެ ހޫނު މަރުޙަބާއެއް ކިޔައިފިއެވެ.

ރަސްމީ ދަތުރުފުޅެއްގައި ރައީސްގެ ދެ ކަނބަލުން ދުވާފަރަށް ވަޑައިގަތީ މިއަދު ހެނދުނުއެވެ. ރައީސްގެ ދެކަނބަލުން އެރަށަށް ވަޑައިގެންނެވި އިރު އެ ދެކަނބަލުންނަށް މަރުޙަބާ ދެއްނެވުމަށް ނުކުތް ދުވާފަރުގެ ކުދިބޮޑު އެންމެނާއެކު މުޅި ބަނދަރު ސަރަހައްދު ފުރިފައި އޮތީ ފުރާލާފައެވެ.

Ad by Hajj Corporation

ރައީސްގެ ދެ ކަނބަލުންނަށް މަރުހަބާ ދެންނެވުމަށް ނުކުތް މީހުން ގައުމީ ދިދަތައް ހޫރުވަމުންދިޔައިރު، ސަފުގެ ކުރީގައި ތިބީ އަންހެންބޭފުޅުންނާއި ކުޑަކުދީންނެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދެކަނބަލުން ދުވާފަރަށް ކުރައްވާ މި ދަތުރުފުޅަކީ ޤައުމީ މަސްވެރިންގެ ދުވަހުގެ ހަރަކާތްތަކުގައި ބައިވެރިވެވަޑައިގަތުމަށް ކުރައްވާ އެއް ދުވަހުގެ ދަތުރުފުޅެކެވެ.

މި ދަތުރުފުޅުގެ ތެރެއިން އެރަށުގެ ތަރައްޤީއަށް މުހިންމު މަޝްރޫއުތަކެއްގެ ފެށުން ފާހަގަކުރުމާއި ނިމުން ފާހަގަކުރުމަށްވެސް ވަނީ ހަމަޖެހިފައެވެ.