ރައިސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ދެކަނބަލުން ރ. ދުވާފަރަށް ކުރެއްވި ދަތުރުފުޅުގެ ތެރެއިން، އެރަށު ހޮސްޕިޓަލް އިމާރާތުވެ އަމަލީ މަސައްކަތް ފަށައިފިއެވެ.

މިކަމަށްޓަކައި ދުވާފަރުގައި ބޭއްވި ރަސްމިއްޔާތެއްގައި މި މަސައްކަތް ފައްޓަވައިދެއްވާފައިވަނީ، ޞިއްޙަތާބެހޭ ވަޒީރު ޢަބްދުﷲ ނާޡިމްއެވެ. ދުވާފަރު ހޮސްޕިޓަލުގެ މަސައްކަތް، ހަމަސްދުވަހުގެ ތެރޭ ނިންމާގޮތަށް 25.5 މިލިއަން ރުފިޔާއަށް ހަވާލުކޮށްފައިވަނީ އަލްޓެކް މޯލްޑިވްސް ޕްރައިވެޓް ލިމިޓެޑާއެވެ.

Ad by Hajj Corporation

މި އެއްބަސްވުމުގައި ޞިއްޙަތާބެހޭ ވުޒާރާގެ ފަރާތުން ސޮއިކުރެއްވީ ވުޒާރާގެ ސްޓޭޓް މިނިސްޓަރ އިސްމާޢިލް ޢަބްދުﷲ އެވެ. އަދި އަލްޓެކް މޯލްޑިވްސް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ ކުންފުނީގެ ޖެނެރަލް މެނޭޖަރ ޙުސެއިން ތަސްމީންއެވެ.

މިމަޝްރޫޢުގެ ދަށުން އެ އިމާރާތުގައި އޮޕަރޭޝަން ތިއޭޓަރ ކޮމްޕްލެކްސްއެއްގެ އިތުރުން އައިސީޔޫއަކާއި ނަރސް ސްޓޭޝަންއަކާއި، ޕްރޮސީޖަރ ރޫމެއްގެ އިތުރުން މެޑިކަލް އަދި ނޮން-މެޑިކަލް ސްޓޯރ ރޫމެއް ގާއިމުކުރެވިގެންދާނެއެވެ.

ރަށްރަށުގެ ސިއްޙީ ޚިދުމަތްދޭ ތަންތަނުގެ ޚިދުމަތް އަޕްގްރޭޑްކުރުމަށް އެތައް މަޝްރޫޢެއްގެ މަސައްކަތް އެކި މަރުޙަލާތަކުގައި އަންނަނީ ކުރަމުންނެވެ.